రీమేక్ ఆలోచ‌న‌లో హ‌రీష్‌..
- IndiaGlitz, [Monday,October 29 2018]
'డీజే దువ్వాడ జ‌గ‌న్నాథ‌మ్‌' చిత్రం త‌ర్వాత డైరెక్ట‌ర్ హ‌రీశ్ శంక‌ర్ తదుప‌రి చిత్రంగా 'దాగుడు మూత‌లు' సినిమా చేయాల్సింది. దిల్‌రాజు ఆ ప్రాజెక్ట్‌ను పెండింగ్‌లో పెట్టాడు. త‌ర్వాత ఆ ప్రాజెక్ట్‌ను వేరే బ్యాన‌ర్‌లో చేయ‌డానికి ప్ర‌య‌త్నాలు చేశాడు హ‌రీశ్ శంక‌ర్. ఎక్క‌డా వ‌ర్క‌వుట్ కాలేదు.
ఇప్పుడు హ‌రీశ్ శంక‌ర్ త‌మిళంలో ఘన విజ‌యం సాధించిన చిత్రం 'జిగ‌ర్ తండా'ను రీమేక్ చేయాల‌నే ఆలోచ‌న‌లో ఉన్నార‌ట. బాబీ సింహ, సిద్ధార్థ్, ల‌క్ష్మీమ‌న‌న్ త‌దిత‌రులు న‌టించిన ఈ చిత్రాన్ని కార్తీక్ సుబ్బ‌రాజ్ డైరెక్ట్ చేశాడు. ఆల్ రెడీ తెలుగులో సినిమా అనువాద‌మై విడులైంది కూడా. మ‌ళ్లీ ఆ చిత్రాన్ని తెలుగులో రీమేక్ చేయబోతున్నారు మ‌రి. త్వ‌ర‌లోనే సినిమాకు సంబంధించిన ప్రీ ప్రొడక్షన్ ప‌నులు ప్రారంభ‌మ‌య్యే అవ‌కాశాలున్నాయి.