'சலார்' தள்ளி போனதால் ரிலீஸ் ஆகும் ஹரிஷ் கல்யாண் படம்.. அதிகாரபூர்வ அறிவிப்பு..!
- IndiaGlitz, [Saturday,September 02 2023]
பிரபாஸ் நடித்த ’சலார்’ திரைப்படம் செப்டம்பர் 28ஆம் தேதி வெளியாகும் என்று எதிர்பார்க்கப்பட்ட நிலையில் இந்த படத்தின் பணிகள் முடிவடையாததால் ரிலீஸ் தேதி தள்ளி வைக்கப்படும் என்று கூறப்படுகிறது.
செப்டம்பர் 28 முதல் அக்டோபர் 2 வரை நீண்ட விடுமுறை இருப்பதால் இந்த வாய்ப்பை மிகச் சரியாக பயன்படுத்திக் கொள்ள சில படத்தின் தயாரிப்பாளர்கள் திட்டமிட்டுள்ளனர். குறிப்பாக ஜெயம் ரவி, நயன்தாரா நடித்த ’இறைவன்’ திரைப்படம் செப்டம்பர் 28ஆம் தேதி தான் வெளியாக உள்ளது என்பது குறிப்பிடத்தக்கது.
இந்த நிலையில் தற்போது ஹரிஷ் கல்யாண் நடித்த ’பார்க்கிங்’ என்ற திரைப்படம் இதே தேதியில் ரிலீஸ் ஆக இருப்பதாக அதிகாரப்பூர்வமாக அறிவிக்கப்பட்டுள்ளது. ஹரிஷ் கல்யாண் மற்றும் பிகில் நடிகை இந்துஜா நடித்த ’பார்க்கிங்’ திரைப்படத்தை ராம்குமார் பாலகிருஷ்ணன் என்பவர் இயக்கி உள்ளார்.
சாம் சிஎஸ் இசையில் உருவான இந்த படம் ஒரு அப்பார்ட்மெண்டில் கார் பார்க்கிங் சம்பந்தமான பிரச்சனை வரும் நிலையில் அந்த பிரச்சனையால் ஏற்படும் விளைவு என்ன என்பதே ஆகும்.
ஐடி நிறுவனத்தில் ஊழியராக ஹரிஷ் கல்யாண் நடித்துள்ள இந்த படத்தில் எம்எஸ் பாஸ்கர், இளவரசு உள்பட பலர் நடித்துள்ளனர். இந்த படத்தின் ப்ரோமோஷன் பணிகள் விரைவில் தொடங்க உள்ளது.