சமீபத்தில் வெளியான ’லப்பர் பந்து’ என்ற திரைப்படம் சூப்பர் ஹிட் ஆகிய, தற்போது ஓடிடியிலும் நல்ல வரவேற்பை பெற்று வரும் நிலையில், இந்த படத்தில் ஹரிஷ் கல்யாணின் மாமியாராக நடித்தவருக்கு ஹரிஷ் கல்யாணை விட ஒரு வயது குறைவு என்ற தகவல் ஆச்சரியத்தை ஏற்படுத்தியுள்ளது.

’லப்பர் பந்து’ திரைப்படத்தில் ஹரிஷ் கல்யாணின் மாமியாராக நடிக்க, பிரபல நடிகைகளிடம் இயக்குனர் பேச்சுவார்த்தை நடத்தியதாகவும், ஆனால் மாமியார் கேரக்டரில் நடிக்க ஒப்புக்கொள்ளவில்லை என்பதை எடுத்து, எனக்கு அந்த கேரக்டர் வந்தது என்றும் ’லப்பர் பந்து திரைப்படத்தில் கெத்து தினேஷ் ஜோடியாக நடித்த அசோதா என்ற கேரக்டரில் நடித்த நடிகை ஸ்வாசிகா சமீபத்தில் அளித்த பேட்டியில் தெரிவித்துள்ளார்.

10 ஆண்டுகளுக்கு பிறகு தமிழில் மீண்டும் நடிக்கிறேன், உண்மையிலேயே அந்த கேரக்டர் எனக்கு எதிர்பாராத பெரும் வரவேற்பு கிடைத்துள்ளது என்றும், இந்த கேரக்டர் கிடைத்தது எனக்கு ஒரு வரம்’ என்றும் தெரிவித்துள்ளார்.

ஹரிஷ் கல்யாணின் மாமியாராக நடிக்க வேண்டுமா என்று மற்ற நடிகைகள் போலவே நானும் சிறிது யோசித்தேன், ஆனால் அந்த அசோதா கேரக்டர் என்னை என்னவோ செய்ததால் நான் ஒப்புக்கொண்டேன், தற்போது குவிந்து வரும் பாராட்டை பார்க்கும்போது எனக்கு மகிழ்ச்சியாக இருக்கிறது என்றும் குறிப்பாக பா ரஞ்சித், மாரி செல்வராஜ், சிவகார்த்திகேயன் என பல பிரபலங்கள் எனக்கு வாழ்த்து தெரிவித்தார்கள் என்றும் அவர் தெரிவித்துள்ளார்.

ஹரிஷ் கல்யாணின் வயது 34 என்ற நிலையில், அவரது மாமியாராக நடித்த ஸ்வாசிகாவுக்கு வயது 33 தான் என்பது குறிப்பிடத்தக்கது.