என்னை செஞ்சவங்கள திருப்பி ஏதாவது செய்யணும்ல்ல.. ஹரிஷ் கல்யாணின் 'பார்க்கிங்; டிரைலர்..!
- IndiaGlitz, [Friday,November 17 2023]
ஒரு காரை வீட்டின் முன் பார்க்கிங் செய்வதினால் ஏற்படும் சின்ன பிரச்சனை எப்படி பெரிய பிரச்சனை ஆகி வாழ்க்கையையே திருப்பிப் போட்டு விடுகிறது என்பதை கொண்ட கதையம்சம் கொண்டது தான் ‘பார்க்கிங்’ திரைப்படம்.
ஹரிஷ் கல்யாண் மற்றும் இந்துஜா தம்பதியினர் ஒரு வீட்டில் வாடகைக்கு இருந்து வரும் நிலையில் புதிதாக கார் வாங்குகின்றனர். அந்த காரை பார்க்கிங் செய்வதில் ஹரிஷ் கல்யாண் மற்றும் எம்எஸ் பாஸ்கர் இடையே பிரச்சனை எழுகிறது. அந்த பிரச்சனை எப்படி விபரீதமாகி ஹரிஷ் கல்யாண் வாழ்க்கையே புரட்டி போடுகிறது என்ற கதையை இயக்குனர் ராம் குமார் பாலகிருஷ்ணா மிக அருமையாக இயக்கி உள்ளார். இரண்டாம் பாதியில் ஒவ்வொரு காட்சியும் விறுவிறுப்பாக செல்லும் என்று எதிர்பார்க்கப்படுகிறது.
ஹரிஷ் கல்யாண், இந்துஜா, எம் எஸ் பாஸ்கர், ரமா, உள்ளிட்ட பலர் நடிப்பில் உருவாகிய இந்த படத்திற்கு சாம் சிஎஸ் இசையமைத்துள்ளார். இந்த படத்தின் இரண்டு நிமிட ட்ரெய்லர் தற்போது இணையத்தில் வைரல் ஆகி வருகிறது.
எம்.எஸ். பாஸ்கர் மற்றும் ஹரிஷ் கல்யாணம் ஆகிய இருவரும் உண்மையில் தத்ரூபமாக நடித்துள்ளனர். இந்த படம் திரையரங்குகளில் டிசம்பர் ஒன்றாம் தேதி வெளியாக உள்ளதாக டிரைலரில் அறிவிக்கப்பட்டுள்ளது. மொத்தத்தில் ஹரிஷ் கல்யாணுக்கு இந்த படம் ஒரு சிறந்த வெற்றி படமாக இருக்கும் என்று எதிர்பார்க்கப்படுகிறது.