'சூப்பர் டீலக்ஸ்' பாணியில் சிஎஸ்கே வெற்றியை டுவீட் செய்த ஹர்பஜன்சிங்
- IndiaGlitz, [Monday,April 01 2019]
நேற்று சென்னை சேப்பாக்கம் மைதானத்தில் நடைபெற்ற சென்னை மற்றும் ராஜஸ்தான் அணிகளுக்கு இடையிலான போட்டியில் தல தோனியின் அதிரடியான 75 ரன்களும், கடைசி ஓவரை அற்புதமாக வீசிய பிராவோ பந்துவீச்சும் சேர்ந்து சென்னை அணிக்கு வெற்றியை தேடித்தந்தது. தொடர்ச்சியாக மூன்று போட்டிகளில் வெற்றி பெற்ற சென்னை அணிக்கு பாராட்டுக்கள் குவிந்து வருகிறது.
இந்த நிலையில் ஐபிஎல் போட்டிகள் ஆரம்பிக்கும் முன்னர் இருந்தே டுவிட்டரில் கலக்கி வந்த ஹர்பஜன்சிங் இந்த வெற்றி குறித்து குறிப்பிடும்போது, '''ஒரு நாள் ஒரு டீமை ஏழு டீம் துரத்த அந்த டீம் தடையைத் தாண்டி @msdhoni புடிச்சி தொங்க ,அந்த #தல மேட்ச்ல அடி வெளுக்க, என்னடா இழவு வாழ்க்கைன்னு மேல பாத்தா @ipl கப்பு கீழ @CSKFansOfficial ஏழு டீமும் கப்பாவது மேட்ச்சாவதுன்னு, கும்புடு போட்டு ஆஹானு சொன்னா.அது @ChennaiIPL #SuperDeluxe நன்றி சேது ஜி'' என்று சூப்பர் டீலக்ஸ் படத்தின் டிரைலரில் விஜய்சேதுபதி வசனம் பேசியது போல் டுவீட் செய்துள்ளார் ஹர்பஜன்சிங்.
அதேபோல் இந்த வெற்றி குறித்து சேவாக் தனது டுவிட்டரில், 'தோனி விசில் போடவில்லை... விசில் போடு... விசில் போடு என்று குறிப்பிட்டுள்ளார். இது ரொம்ப, ரொம்ப நல்ல விஷயம் என்று பதிவு செய்துள்ளார்.
ஒரு நாள் ஒரு டீம ஏழு டீம் துரத்த அந்த டீம் தடய தாண்டி @msdhoni புடிச்சி தொங்க,அந்த #தல மேட்சுல அடி வெளுக்க,என்னடா இழவு வாழ்கன்னு மேல பாத்தா @ipl கப்பு கீழ @CSKFansOfficial ஏழு டீமும் கப்பாவது மேச்சாவதுன்னு,கும்புடு போட்டு ஆஹானு சொன்னா.அது @ChennaiIPL #SuperDeluxe நன்றி சேது ஜி
— Harbhajan Turbanator (@harbhajan_singh) March 31, 2019
Not Whistle Podu, but that was Whistle Todu and Whistle Fodu from Dhoni.
— Virender Sehwag (@virendersehwag) March 31, 2019
Very very good to see#CSKvRR