இயக்குனர் வெங்கட்பிரபுவுக்கு பிறந்த நாள் வாழ்த்துக்கள்
Monday, November 7, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
பிரபல இசையமைப்பாளர், இயக்குனர் கங்கை அமரனின் கலையுலக வாரிசான வெங்கட்பிரபு தற்போதைய கோலிவுட்டின் முன்னணி இயக்குனர்களில் ஒருவராக விளங்கி வருகிறார். இந்நிலையில் இன்று பிறந்த நாள் கொண்டாடும் அவருக்கு நமது உளங்கனிந்த பிறந்த நாள் நல்வாழ்த்துக்கள்
கடந்த 2003ஆம் ஆண்டு 'உன்னை சரணடைந்தேன்' என்ற படத்தில் முக்கிய கேரக்டரில் நடித்து தமிழக ரசிகர்களின் மனதில் இடம் பிடித்த வெங்கட்பிரபு, பின்னர் 2007ஆம் ஆண்டு 'சென்னை 600028' திரைப்படத்தின் மூலம் இயக்குனராக அறிமுகமானார்.
முதல்படமே சூப்பர் ஹிட் ஆகியதால் அவரது அடுத்தடுத்த படங்களான 'சரோஜா' மற்றும் 'கோவா' ஆகிய படங்களுக்கு பெரும் எதிர்பார்ப்பு இருந்தது. இந்நிலையில் வெங்கட்பிரபுவின் சிறந்த படமாக இன்றளவும் பேசப்படும் படம் அஜித் நடித்த 'மங்காத்தா'. இப்படம் பெற்ற மாபெரும் வெற்றியால் அவர் முன்னணி இயக்குனர்கள் பட்டியலில் இடம்பெற்றார்.
இந்நிலையில் வெங்கட்பிரபு இயக்கிய 'பிரியாணி', மாசு என்கிற மாசிலாமணி ஆகிய படங்கள் சுமாரான வெற்றியை பெற்றபோதிலும் தற்போது அவர் இயக்கி வரும் 'சென்னை 600028 II' என்ற படத்திற்கு மிகப்பெரிய எதிர்பார்ப்பு உள்ளது.
நடிகர், இயக்குனர், பாடகர், தயாரிப்பாளர் என பல்வேறு துறைகளில் வெற்றி பெற்று வரும் வெங்கட்பிரபுவுவுக்கு இன்னும் பல வெற்றி மேல் வெற்றி கிடைக்க இந்த இனிய பிறந்த நாளில் அவருக்கு மீண்டும் ஒருமுறை பிறந்த நாள் வாழ்த்துக்களை தெரிவித்து கொள்கிறோம்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments