தமிழ் சினிமாவில் புன்னகை அரசி கே.ஆர்.விஜயாவுக்கு பின்னர் சிரிப்பால் ரசிகர்களை கவர்ந்த ஒரே நடிகையான சினேகா இன்று பிறந்த நாள் கொண்டாடி வரும் நிலையில் அவருக்கு IndiaGlitz  தனது இனிய பிறந்த நாள் நல்வாழ்த்துக்களை தெரிவித்து கொள்கிறது.

என்னவளே' படத்தின் மூலம் தமிழ் சினிமாவில் அறிமுகமான சினேகா அதன் பின்னர் 'ஆனந்தம்', 'புன்னகை தேசம்', 'உன்னை நினைத்து', 'ஏப்ரல் மாதத்தில்', 'பார்த்திபன் கனவு' போன்ற பல வெற்றி படங்களில் நடித்து கோலிவுட்டில் தனக்கென ஒரு இடத்தை தக்க வைத்து கொண்டார்.

கமல்ஹாசனுடன் 'பம்மல் கே.சம்மந்தம்', 'வசூல்ராஜா எம்பிபிஎஸ், அஜித்துடன் ஜனா, விஜய்யுடன் 'வசீகரா, என முன்னணி நடிகர்களுடன் நடிக்கும் வாய்ப்பை பெற்றவர். 

அதேபோல் சேரனின் 'ஆட்டோகிராப், கரு.பழனியப்பனின் 'பிரிவோம் சந்திப்போம், பார்த்திபன் கனவு', தனுஷின் 'புதுப்பேட்டை', தங்கர்பச்சானின் 'பள்ளிக்கூடம்' ஆகிய படங்கள் சினேகாவின் வித்தியாசமான நடிப்பை வெளிப்படுத்திய படங்கள் ஆகும். 

அச்சமுண்டு அச்சமுண்டு' படத்தில் நடித்தபோது அந்த படத்தின் நாயகன் பிரசன்னா மீது காதல் கொண்டு பின்னர் அவரை 2012ஆம் ஆண்டு மே 11ஆம் தேதி திருமணம் செய்து கொண்டார். இந்த நட்சத்திர தம்பதிக்கு ஒரு மகன் உள்ளார்.

திருமணத்திற்கு பின்னரும் ஒருசில படங்களில் நடித்து வரும் சினேகா, சிவகார்த்திகேயன் - நயன்தாராவின் 'வேலைக்காரன்' படத்தில் முக்கிய வேடத்தில் நடித்துள்ளார். இதேபோல் இன்னும் பல படங்களில் நடித்து ரசிகர்களின் மனதில் நீங்கா இடம் பிடித்து புகழுடன் வாழ இந்த இனிய பிறந்த நாளில் மீண்டும் ஒருமுறை சிரிப்பழகி சினேகாவுக்கு பிறந்த நாள் நல்வாழ்த்துக்களை தெரிவித்து கொள்கிறோம்