புரட்சி தமிழன் சத்யராஜ் மகனும், இளையதலைமுறை நடிகர்களில் ஒருவருமான சிபிராஜ் இன்று தனது பிறந்த நாளை சிறப்புடன் கொண்டாடி வரும் நிலையில் IndiaGlitz சார்பில் அவருக்கு எங்களது உளங்கனிந்த பிறந்த நாள் வாழ்த்துக்களை தெரிவித்து கொள்கிறோம்

கடந்த 2003ஆம் ஆண்டு 'ஸ்டண்ட் நம்பர் 1' என்ற படத்தின் மூலம் திரையுலகில் அறிமுகமான சிபிராஜ், அதன் பின்னர் ஒருசில படங்களில் தந்தை சத்யராஜூடன் இணைந்து நடித்து வந்தார். பிரபுசாலமன் இயகக்த்தில் சிபிராஜ் நடித்த 'லீ' திரைப்படம் ஓரளவு வரவேற்பை பெற்ற நிலையில் அவருக்கு திருப்புமுனையாக அமைந்த படம் 'நாய்கள் ஜாக்கிரதை' படம் தான்

இந்த படத்தின் வெற்றிக்கு பின்னர் கோலிவுட்டில் நம்பிக்கை நட்சத்திரமாக வளர்ந்து வரும் சிபி, 'ஜாக்சன் துரை', 'கட்டப்பாவை காணோம் ஆகிய படங்களில் நடித்தார். தற்போது சத்யா, ரங்கா ஆகிய படங்களில் நடித்து வரும் சிபி, இன்னும் பல வெற்றி படங்களில் நடித்து புகழும் விருதுகளும் பெற இந்த இனிய பிறந்த நாளில் எங்களது வாழ்த்துக்களை தெரிவித்து கொள்கிறோம்.