கோலிவுட் திரையுலகில் மிகக்குறுகிய காலத்தில் முன்னணி நடிகைகள் பட்டியலில் இடம்பெற்ற நடிகைகளில் ஒருவர் சாயிஷா. இயக்குனர் விஜய் இயக்கிய 'வனமகன்' படத்தில் சாயிஷா அறிமுகமானார். அந்த படம் எதிர்பார்த்த வெற்றியை பெறவில்லை என்றாலும் சாயிஷாவின் நடிப்பு மற்றும் நடனம் பெரிய அளவில் பேசப்பட்டதால் அவருக்கு கோலிவுட் திரையுலகில் வாய்ப்புகள் குவிந்தது

இந்த நிலையில் சமீபத்தில் வெளியான 'கடைக்குட்டி சிங்கம்' ஜுங்கா' மற்றும் 'கஜினிகாந்த்' ஆகிய மூன்று படங்களின் நாயகியாக சாயிஷா நடித்திருந்தார். இந்த மூன்று படங்களின் ஹாட்ரிக் வெற்றி அவரை உச்சத்திற்கு கொண்டு சென்றுள்ளது.

தற்போது அவர் சூர்யாவின் 37வது படத்தில் நாயகியாக நடித்து வருகிறார். கே.வி.ஆனந்த் இயக்கத்தில் உருவாகி வரும் இந்த படமும் வெற்றி பெறும் என்று எதிர்பார்க்கப்படுவதால் சாயிஷாவின் வளர்ச்சியில் நல்ல முன்னேற்றம் இருக்கும் என்று எதிர்பார்க்கப்படுகிறது.

இந்த நிலையில் இன்று சாயிஷா தனது பிறந்த நாளை கொண்டாடி வருகிறார். கோலிவுட் திரையுலகில் சாயிஷா யாரும் அடையாத உச்சத்தை அடைய வேண்டும் என்று இந்த இந்த பிறந்த நாளில் அவருக்கு நமது வாழ்த்துக்களை தெரிவித்து கொள்கிறோம்.