మెగాస్టార్ మేన‌ల్లుడు సాయిథ‌ర‌మ్ తేజ్ హీరోగా నటించిన మొద‌టి చిత్రం రేయ్ అయిన‌ప్ప‌టికీ రిలీజైంది మాత్రం పిల్లా నువ్వులేని జీవితం. ఎ.ఎస్.ర‌వికుమార్ చౌద‌రి ద‌ర్శ‌క‌త్వంలో రూపొందిన పిల్లా నువ్వులేని జీవితం తేజుకి మంచి పేరు తీసుకువ‌చ్చింది. మేన‌మామ‌లు మెగాస్టార్, ప‌వ‌ర్ స్టార్ పోలీక‌లుతో ఉన్న సాయిథ‌ర‌మ్ తేజు త‌న న‌ట‌న‌లో చిరు, ప‌వ‌న్ ల‌ను ఇమిటేట్ చేస్తూ..ప్రేక్ష‌కాభిమానుల‌ను అల‌రిస్తున్నాడు.

ఇటీవ‌ల రిలీజైన సుబ్ర‌మ‌ణ్యం ఫ‌ర్ సేల్ సినిమాతో మ‌రో విజ‌యాన్ని సొంతం చేసుకున్నాడు. తేజు ఫైట్స్, డాన్స్..చేస్తుంటే ఏదో కావాల‌ని చేసిన‌ట్టు కాకుండా మంచి ఈజ్ తో చేస్తున్నాడు. అందుకే అన‌తి కాలంలోనే మాస్ ఆడియోన్స్ కు ద‌గ్గ‌ర‌య్యాడు. ఈరోజు సాయిథ‌ర‌మ్ తేజ్ పుట్టిన‌రోజు. ఈ సంద‌ర్భంగా తేజు న‌టిస్తున్న తాజా చిత్రం సుప్రీం పోస్ట‌ర్ రిలీజ్ చేసారు. ఈ సినిమాలో తేజు క్యాబ్ డ్రైవ‌ర్ గా న‌టిస్తున్నాడు. అనిల్ రావిపూడి ద‌ర్శ‌క‌త్వంలో దిల్ రాజు ఈ సినిమాని నిర్మిస్తున్నారు. సుప్రీం పోస్ట‌ర్ చూస్తుంటే..రౌడీ అల్లుడు సినిమాలో చిరుని చూసిన ఫీల్ క‌లుగుతుంది. మేన‌మామ‌లకు త‌గ్గ మేన‌ల్లుడుగా దూసుకెళుతున్న సుప్రీం హీరో సాయిధ‌ర‌మ్ తేజుకు బ‌ర్త్ డే విషెష్ తెలియ‌చేస్తుంది ఇండియా గిల్ట్జ్.కామ్.