நிக்கி கல்ராணிக்கு பிறந்த நாள் வாழ்த்துக்கள்
- IndiaGlitz, [Wednesday,January 03 2018]
தமிழ் திரையுலகில் வளர்ந்து வரும் நடிகையான நிக்கி கல்ராணி இன்று தனது பிறந்த நாளை கொண்டாடி வரும் நிலையில் அவருக்கு IndiaGlitz சார்பில் பிறந்த நாள் நல்வாழ்த்துக்களை தெரிவித்து கொள்கிறோம்
ஜிவி பிரகாஷ் நடிகராக அறிமுகமான 'டார்லிங்' படத்தில் தான் நிக்கி கல்ராணி தமிழில் அறிமுகமானார். முதல் படமே வெற்றிப்படமாக அமைந்ததால் தமிழ் திரையுலகில் இன்று பிசியான நடிகைகளின் பட்டியலில் இடம்பெற்றுள்ளார்
'டார்லிங்' படத்தை அடுத்து நிக்கி கல்ராணி நடித்த யாகாவராயினும் நாகாக்க, கோ 2, வேலைன்னு வந்துட்டா வெள்ளைக்காரன், கடவுள் இருக்குறான் குமாரு, மொட்டசிவா கெட்ட சிவா, மரகத நாணயம், ஹரஹர மகாதேவகி போன்ற படங்களில் நடித்தார். இதில் வேலைன்னு வந்துட்டா வெள்ளைக்காரன், மற்றும் ஹரஹர மகாதேவகி ஆகிய படங்கள் சூப்பர் ஹிட் என்பதும், மரகத நாணயம் அனைத்து விமர்சகர்களாலும் பாராட்டப்பட்ட படம் என்பதும் குறிப்பிடத்தக்கது
நிக்கி கல்ராணி நடிப்பில் உருவாகியுள்ள சுந்தர் சியின் 'கலகலப்பு 2' வரும் பொங்கல் தினத்தில் வெளியாகும் என்று எதிர்பார்க்கப்படுகிறது. மேலும் அவர் தற்போது கீ, பக்கா, சார்லி சாப்ளின் ஆகிய படங்களில் நடித்து வருகிறார்
நடிப்பு மற்றும் கவர்ச்சி ஆகியவற்றை சரிசமமாக அளித்து ரசிகர்களின் பாராட்டுக்களை பெற்று வரும் நிக்கி கல்ராணிக்கு இந்த ஆண்டு சிறப்பான ஆண்டாக அமைய, இந்த இனிய பிறந்த நாளில் மீண்டும் ஒருமுறை அவருக்கு நமது உளங்கனிந்த பிறந்த நாள் நல்வாழ்த்துக்களை தெரிவித்து கொள்கிறோம்