தமிழ் திரை உலகில் நான்கு படங்கள் மட்டுமே இயக்கிய லோகேஷ் கனகராஜ் இன்று இந்தியாவின் முன்னணி நடிகர்களையே திரும்பிப் பார்க்கும் வகையில் 400 படங்கள் இயக்கிய புகழை பெற்றுள்ளார். இந்த நிலையில் லோகேஷ் கனகராஜுக்கு பிறந்தநாள் வாழ்த்துக்களை தெரிவித்துக் கொள்கிறோம்.

கடந்த 2017 ஆம் ஆண்டு லோகேஷ் கனகராஜ் இயக்கத்தில் உருவான ’மாநகரம்’ திரைப்படம் வெளியாகி மிகப்பெரிய வெற்றி பெற்றது. வெறும் 4 கோடி ரூபாய் பட்ஜெட்டில் உருவான இந்த படம் பல மடங்கு தயாரிப்பாளருக்கு லாபத்தை கொடுத்தது என்பது குறிப்பிடத்தக்கது. நேர்த்தியான விறுவிறுப்பான திரைக்கதை, அடுத்தது என்ன என்பதை எதிர்பார்க்க வைக்கும் காட்சிகள் ஆகியவை இந்த படத்தின் வெற்றிக்கு காரணமாக கூறப்பட்டது.

இதனை அடுத்து லோகேஷ் கனகராஜ் இயக்கிய ‘கைதி’ திரைப்படத்தின் வெற்றி தமிழ் திரை உலகின் பார்வை அவர் மேல் விழுந்தது. கார்த்தி நடித்த ‘கைதி’, படம் விஜய் நடித்த ’பிகில்’ படத்துடன் வெளியான போதிலும் ‘கைதி’ படத்திற்கு தான் மிகப்பெரிய வரவேற்பும் வசூலும் கிடைத்தது என்பது குறிப்பிடத்தக்கது.

இந்த நிலையில் லோகேஷ் கனகராஜ் இயக்கத்தில் விஜய் நடித்த ’மாஸ்டர்’ திரைப்படம் சூப்பர் டூப்பர் ஹிட்டானது என்பதும் இந்த படம் வசூலில் மிகப்பெரிய சாதனை செய்தது என்பது குறிப்பிடத்தக்கது.

இதனை அடுத்து கமலஹாசன் நடிப்பில் லோகேஷ் கனகராஜ் இயக்கத்தில் உருவான ’விக்ரம் ’திரைப்படம் தான் அவரை இந்திய அளவில் திரும்பி பார்க்க வைத்தது. இந்தியாவின் முன்னணி தயாரிப்பாளர்கள் மற்றும் நடிகர்கள் லோகேஷ் கனகராஜ் உடன் பணிபுரிய வேண்டும் என்று விரும்பும் அளவுக்கு இந்த படத்தின் வெற்றி இருந்தது என்பது குறிப்பிடத்தக்கது.

தொடர்ச்சியாக 4 சூப்பர்ஹிட் படங்களை இயக்கிய லோகேஷ் கனகராஜ் இன்று இந்திய திரையுலகின் முன்னணி இயக்குனர் பட்டியலில் இணைந்து உள்ளார். இந்த நிலையில் இன்று பிறந்த நாளை கொண்டாடி வரும் நிலையில் அவருக்கு மீண்டும் வாழ்த்து தெரிவித்து கொள்வதோடு அவர் இயக்கி வரும் ’லியோ’ திரைப்படம் இதுவரை இல்லாத சாதனை செய்ய வாழ்த்துவோம்.