మిర్చి సినిమాతో ద‌ర్శ‌కుడిగా ప‌రిచ‌య‌మై...తొలి ప్ర‌య‌త్నంలోనే సంచ‌ల‌న విజ‌యం సాధించి అంద‌రి దృష్టి ఆక‌ర్షించాడు సెన్సేష‌న‌ల్ డైరెక్ట‌ర్ కొర‌టాల శివ‌. ఆత‌ర్వాత సూప‌ర్ స్టార్ మ‌హేష్ తో కొర‌టాల శివ శ్రీమంతుడు సినిమా తీసి మ‌రోసారి సంచ‌ల‌న విజ‌యాన్ని సొంతం చేసుకున్నాడు. ఇప్పుడు కొర‌టాల మూడ‌వ చిత్రంగా యంగ్ టైగ‌ర్ ఎన్టీఆర్ తో జ‌న‌తా గ్యారేజ్ చిత్రాన్ని తెర‌కెక్కిస్తున్నారు. ఈ చిత్రంలో మ‌ల‌యాళ అగ్ర‌హీరో మోహ‌న్ లాల్ కీల‌క పాత్ర పోషిస్తున్నారు. ప్ర‌స్తుతం ఎన్టీఆర్, స‌మంత ల పై ఓ పాట‌ను చిత్రీక‌రిస్తున్నారు.

ఇప్ప‌టి వ‌ర‌కు దాదాపు 75% షూటింగ్ పూర్తి చేసుకుంది. జులై లో షూటింగ్ పూర్తి చేసి ఆగ‌ష్టు 12న‌ జ‌న‌తా గ్యారేజ్ చిత్రాన్ని రిలీజ్ చేయ‌డానికి ప్లాన్ చేస్తున్నారు. ఈ చిత్రం త‌ర్వాత యువ సుధ బ్యాన‌ర్ పై మిక్కిలినేని సుధాక‌ర్ నిర్మించే చిత్రానికి కొర‌టాల ద‌ర్శ‌క‌త్వం వ‌హించ‌నున్నారు. అలాగే కొర‌టాల శివ‌తో డి.వి.వి దాన‌య్య ఓ భారీ చిత్రాన్ని నిర్మించ‌డానికి ప్లాన్ చేస్తున్నారు.వ‌రుస విజ‌యాల‌తో భారీ ఆఫ‌ర్స్ సొంతం చేసుకుంటూ... జ‌న‌తా గ్యారేజ్ తో హ్యాట్రిక్ సాధించేందుకు రెడీ అవుతున్న కొర‌టాల.. హ్యాపీ బ‌ర్త్ డే & ఆల్ ది బెస్ట్.