காஜல் அகர்வாலுக்கு பிறந்த நாள் வாழ்த்துக்கள்
Sunday, June 19, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
பாரதிராஜா அறிமுகப்படுத்திய பல நாயகிகள் கோலிவுட்டில் கொடிகட்டி பறந்திருப்பதை நாம் பார்த்துள்ளோம். அந்த வகையில் பாரதிராஜாவின் மோதிரக்கையால் குட்டுப்பட்டு 'பொம்மலாட்டம்' படத்தின் மூலம் தமிழில் அறிமுகமான நடிகை காஜல் அகர்வால் இன்று தனது பிறந்தநாளை கொண்டாடுகிறார். அவருக்கு நமது உளங்கனிந்த பிறந்த நாள் நல்வாழ்த்துக்களை தெரிவித்து கொள்கிறோம்.
பொம்மலாட்டம்' படத்தின் மூலம் கடந்த 2008ஆம் ஆண்டு தனது திரைப்பயணத்தை தொடங்கிய காஜல் அகர்வால் அதே வருடத்தில் பரத்துடன் 'பழனி' மற்றும் வெங்கட்பிரபுவின் 'சரோஜா' ஆகிய இரண்டு வெற்றி படங்களில் நடித்தார். சரண் இயக்கத்தில் அவர் நடித்த 'மோதி விளையாடு' திரைப்படமும் நல்ல வரவேற்பை பெற்றது.
இந்நிலையில் காஜல் அகர்வாலை முன்னணி நடிகையாக மாற்றிய திரைப்படம் எஸ்.எஸ்.ராஜமவுலியின் 'மகதீரா'. தமிழில் 'மாவீரன்' என்ற பெயரில் வெளிவந்த இந்த நேரடி தமிழ்ப்படங்களுக்கு இணையாக வெற்றி பெற்றது.
அதன்பின்னர் கார்த்தியுடன் 'நான் மகான் அல்ல' படத்தில் நடித்த காஜலுக்கு இளையதளபதி விஜய்யுடன் நடித்த 'துப்பாக்கி' சூப்பர் ஹிட் படமாக அமைந்தது. இந்த படத்தில் விஜய்யுடனான கெமிஸ்ட்ரி சூப்பராக அமைந்ததால் மீண்டும் அவருடன் 'ஜில்லா' படத்தில் இணைந்து நடித்தார்.
தனுஷூடன் மாரி', விஷாலுடன் 'பாயும் புலி' ஆகிய படங்களும் காஜலுக்கு பெயர் பெற்று தந்த படங்கள் ஆகும்.
தற்போது ஜீவாவுடன் 'கவலை வேண்டாம்', மற்றும் விக்ரமுடன் 'கருடா' படங்களில் நடித்து வரும் காஜல் அகர்வால் மேலும் பல வெற்றிகளை குவிக்க இந்த பிறந்தநாளில் அவரை வாழ்த்துகிறோம்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments