நடிகர் ஜெயம் ரவி பிறந்த நாள் வாழ்த்துக்கள்!
- IndiaGlitz, [Friday,September 10 2021]
தமிழ் திரையுலகின் இளைய தலைமுறை நடிகர்களில் ஒருவரான ஜெயம் ரவி இன்று தனது பிறந்தநாளை கொண்டாடி வரும் நிலையில் அவருக்கு திரையுலகினர் ரசிகர்கள் வாழ்த்துக்களை தெரிவித்து வருகின்றனர்.
பழம்பெரும் படத்தொகுப்பாளர் மோகன் அவர்களின் இளைய மகனான ஜெயம் ரவி, ’ஜெயம்’ என்ற திரைப்படத்தில் நடிகராக அறிமுகமானதால் அவருடைய முதல் பட டைட்டில் அவருடன் இணைந்து கொண்டது. ‘ஜெயம்’ வெற்றிக்கு பின் எம் குமரன் சன் ஆப் மகாலட்சுமி, உனக்கும் எனக்கும், தீபாவளி, பேராண்மை, தில்லாலங்கடி, ஆதிபகவன், நிமிர்ந்துநில், ரோமியோ ஜூலியட், சகலகலா வல்லவன் உள்பட பல திரைப்படங்களில் நடித்தார். ஜெயம் ரவி நடிப்பில் மோகன் ராஜா இயக்கத்தில் உருவான ’தனி ஒருவன்’ திரைப்படம் மிகப்பெரிய வரவேற்பை பெற்றது என்பது குறிப்பிடத்தக்கது. இந்த படம் பிலிம்பேர் விருது உள்பட ஒரு சில விருதுகளையும் ஜெயம்ரவிக்கு பெற்று தந்தது.
இந்த நிலையில் தற்போது மணிரத்னம் இயக்கிவரும் ’பொன்னியின் செல்வன்’ திரைப்படத்தின் டைட்டில் கேரக்டரில் ஜெயம் ரவி நடித்து வருகிறார் என்பதும் இந்த படம் அவருடைய மிகப்பெரிய எதிர்பார்ப்புக்குரிய திரைப்படம் என்பது குறிப்பிடத்தக்கது.
இந்த நிலையில் இன்று பிறந்த நாள் கொண்டாடி வரும் ஜெயம் ரவி மேலும் பல வெற்றிகளை குவிக்க நமது மனமார்ந்த பிறந்தநாள் வாழ்த்துக்களை தெரிவித்துக் கொள்கிறோம்.