అందాల రాక్ష‌సి సినిమాతో ద‌ర్శ‌కుడిగా ప‌రిచ‌య‌మై..తొలి ప్ర‌య‌త్నంలో క‌మ‌ర్షియ‌ల్ స‌క్సెస్ సాధించ‌క‌పోయినా...అభిరుచి గ‌ల ద‌ర్శ‌కుడిగా మంచి గుర్తింపు ఏర్ప‌రుచుకున్న యంగ్ డైరెక్ట‌ర్ హ‌ను రాఘ‌వ‌పూడి. తాజాగా నాని హీరోగా తెర‌కెక్కించిన కృష్ణ గాడి వీర ప్రేమ గాథ చిత్రంతో క‌మ‌ర్షియ‌ల్ స‌క్సెస్ సాధించి హ‌ను అంద‌రి దృష్టి ఆక‌ర్షించాడు. హ‌ను.. అందాల రాక్ష‌సి త‌ర్వాత రానా హీరోగా క‌వచం అనే యాక్ష‌న్ ఫిలిమ్ చేయాల‌నుకున్నారు.

ఈ సినిమా కోసం సంవ‌త్స‌రంన్న‌ర పాటు స్ర్కిప్ట్ వ‌ర్క్ చేసాడు. అయితే రానా బాహుబ‌లి లో బిజీగా ఉండ‌డంతో ఆ ప్రాజెక్ట్ సెట్స్ పైకి వెళ్ల‌లేదు. ఇప్పుడు కృష్ణ గాడి వీర ప్రేమ గాథ సినిమాతో స‌క్సెస్ సాధించ‌డంతో నెక్ట్స్ క‌వ‌చం సినిమాని చేయ‌నున్న‌ట్టు ప్ర‌క‌టించాడు. అలాగే త‌న త‌దుప‌రి చిత్రం కూడా 14 రీల్స్ బ్యాన‌ర్ లోనే ఉంటుంద‌ని ఎనౌన్స్ చేసాడు. అయితే క‌వచం లో హీరో ముందు అనుకున్న‌ట్టుగా రానా న‌టిస్తాడా..? లేక మ‌ళ్లీ నానితోనే చేస్తాడా అనేది ప్ర‌స్తుతానికి స‌స్పెన్స్.