தமிழ் திரையுலகின் முன்னணி நடிகைகளில் ஒருவரான ஹன்சிகா நடிப்பில் உருவான ’மஹா’ திரைப்படம் சமீபத்தில் வெளியான நிலையில் தற்போது அவர் நடிக்கவிருக்கும் அடுத்த திரைப்படம் குறித்த தகவல் வெளியாகி உள்ளது.

ஹன்சிகாவின் அடுத்த தமிழ் திரைப்படத்தை இயக்குனர் ஆர் கண்ணன் இயக்க உள்ளார் என்பதும் இந்த படத்தில் நாயகனாக மெட்ரோ சிரிஷ் நடிக்க இருப்பதாகவும் கூறப்படுகிறது.

இந்த படத்தின் ஆரம்பகட்ட பணிகள் தற்போது நடைபெற்று வருவதாகவும் இந்த படத்தின் படப்பிடிப்பு அடுத்த வாரம் தொடங்க இருப்பதாகவும் தகவல்கள் கூறப்படுகிறது.

மெட்ரோ சிரிஷ் இந்த படத்தின் முக்கிய கேரக்டரில் நடித்தாலும் அவர் ஹன்சிகாவுக்கு ஜோடியாக நடிக்கின்றாரா? அல்லது வேறு ஒரு முக்கிய கேரக்டரில் நடிக்கின்றாரா? என்பது குறித்த தகவல் இன்னும் உறுதிசெய்யப்படவில்லை.

சமீபத்தில் மெட்ரோ சிரிஷ் நடித்த ’பிஸ்தா’ திரைப்படம் வெளியானது என்பதும் இந்த படம் பாசிட்டிவ் ரிசல்ட்களைப் பெற்று வருகிறது என்பது குறிப்பிடத்தக்கது. அதேபோல ஆர் கண்ணன் இயக்கிய ’காசேதான் கடவுளடா’ திரைப்படம் விரைவில் வெளியாக உள்ளது. இந்த படம் அநேகமாக நவம்பர் மாதம் வெளியாகும் என்றும் எதிர்பார்க்கப்படுகிறது.