தனுஷின் மாஸ் பாடல் வரிகளில் ஹன்சிகாவின் அடுத்த பட டைட்டில்!
- IndiaGlitz, [Wednesday,October 06 2021]
தனுஷ் நடித்த படத்தில் இடம்பெற்ற மாஸ் பாடல் ஒன்றின் வரிகளையே ஹன்சிகா நடிக்கும் அடுத்த படத்துக்கு வைத்துள்ள தகவல் தற்போது வெளிவந்துள்ளது.
ஹன்சிகா தற்போது சிம்புவுடன் ’மஹா’ மற்றும் ’பார்ட்னர்’ ஆகிய திரைப்படங்களில் நடித்து உள்ளார் என்பதும், அதேபோல் தெலுங்கில் இரண்டு திரைப்படங்களில் நடித்துள்ளார் என்பதும், இந்த படங்கள் அனைத்தும் விரைவில் வெளியாக உள்ளது என்பதும் குறிப்பிடத்தக்கது.
இந்நிலையில் ஹன்சிகா நடிக்கும் அடுத்த படத்துக்கு ’ரவுடி பேபி’ என்ற டைட்டில் வைக்கப்பட்டுள்ளது. தனுஷ், சாய்பல்லவி நடித்த ’மாரி 2’ படத்தில் இடம்பெற்ற ரவுடி பேபி பாடல் உலகம் முழுவதும் சூப்பர் ஹிட் ஆன நிலையில் அதே வரிகளை ஹன்சிகாவின் அடுத்த படத்திற்கு டைட்டில் வைக்கப்பட்டுள்ளது என்பது குறிப்பிடத்தக்கது.
நாயகிக்கு முக்கியத்துவம் தரும் கதையம்சம் கொண்ட இந்த படத்தை ராஜு சரவணன் இயக்கவுள்ளார். செல்லத்துரை ஒளிப்பதிவில், சாம் சிஎஸ் இசையில், வைரமுத்து பாடல் வரிகளில் இந்தப் படம் உருவாக உள்ளது என்பது குறிப்பிடத்தக்கது. இந்த படத்தை ரமேஷ் பிள்ளை என்பவர் தயாரிக்க உள்ளார். இன்று இந்த படத்தின் படப்பிடிப்பை கவியரசு வைரமுத்து அவர்கள் தொடங்கி வைத்தார் என்பது குறிப்பிடத்தக்கது.