ஹன்சிகாவின் அடுத்த திரைப்படத்தில் பிக்பாஸ் தமிழ் டைட்டில் வின்னர் நாயகனாக நடிக்க இருக்கும் நிலையில் இந்த படத்தின் மோஷன் போஸ்டர் சற்றுமுன் வெளியாகி இணையதளங்களில் வைரல் ஆகி வருகிறது.

ஹன்சிகா நடித்த 50வது திரைப்படமான ’மஹா’ கடந்த ஆண்டு வெளியான நிலையில் அவர் தற்போது சுமார் 7 படங்களில் நடித்து வருகிறார் என்பது குறிப்பிடத்தக்கது. திருமணத்திற்கு பின்னரும் திரையுலகில் பிஸியாக இருக்கும் ஹன்சிகாவின் அடுத்த படத்தை இயக்குனர் இகோர் இயக்க இருப்பதாக ஏற்கனவே தகவல் வெளியானது. இந்த நிலையில் இந்த படத்தின் டைட்டிலுடன் கூடிய மோஷன் போஸ்டர் சற்றுமுன் வெளியாகி இணையதளங்களில் வைரல் ஆகி வருகிறது.

பிக்பாஸ் தமிழ் சீசன் 4 டைட்டில் வின்னர் ஆரி, ஹன்சிகா, ஜனனி துர்கா, சௌமிகா, பாண்டியன் உள்பட பலரது நடிப்பில் உருவாகி வரும் இந்த படத்திற்கு ஜிப்ரான் இசையமைத்து வருகிறார். மெட்ராஸ் ஸ்டுடியோஸ் நிறுவனம் தயாரிக்கும் இந்த படத்திற்கு மணிகண்டன் ஒளிப்பதிவும் சரண்யா பாக்யராஜ் திரைக்கதையும் பொன் பார்த்திபன் வசனமும் எழுத உள்ளனர். சந்திரகுமார் இந்த படத்தை படத்தொகுப்பு செய்கிறார்.

இந்த நிலையில் ’மேன்’ என்ற டைட்டில் வைக்கப்பட்டுள்ள இந்த படத்தின் மோஷன் போஸ்டர் ‘ஒவ்வொரு ஆணுக்கும் ஒரு முகமூடி உண்டு’ என்ற கேப்ஷன் உடன் வெளியாகி உள்ளது.