மோகன்லாலின் 'வில்லன்' படத்தில் இணைந்த பிரபல தமிழ் நடிகை
- IndiaGlitz, [Saturday,June 03 2017]
கேரள சூப்பர்ஸ்டார் மோகன்லால் நடிப்பில் உன்னிகிருஷ்ணன் இயக்கி வரும் திரைப்படம் 'வில்லன்'. இந்த படத்தில் மோகன்லால் முன்னாள் காவல்துறை அதிகாரி மாத்யூ மஞ்சூரன் கேரக்டரில் நடித்து வருகிறார். அவருடைய மனைவியாக பிரபல மலையாள நடிகை மஞ்சுவாரியர் நடித்து வருகிறார். மேலும் இந்த படத்தின் முக்கிய வேடத்தில் விஷால் நடித்து வருகிறார் என்பது ஏற்கனவே தெரிந்ததே.
இந்நிலையில் இந்த படத்தில் பிரபல தமிழ் நடிகை ஹன்சிகா தற்போது இணைந்துள்ளார். ஹன்சிகா நடிக்கும் முதல் மலையாள திரைப்படமான இந்த படத்தில் அவர் மிக முக்கிய கேரக்டரில் நடிப்பதாக தகவல்கள் வெளிவந்துள்ளது. மேலும் இந்த படத்தில் தெலுங்கு நடிகர் ஸ்ரீகாந்த், ராஷிகண்ணா உள்பட பலர் நடித்து வருகின்றனர்.
கடந்த மே 31ஆம் தேதி இறுதிக்கட்ட படப்பிடிப்பு தொடங்கிய நிலையில் இம்மாத இறுதியில் இந்த படத்தின் படப்பிடிப்பு முடிந்துவிடும் என்றும் வரும் ஜூலை 21ஆம் தேதி இந்த படத்தை வெளியிட படக்குழு திட்டமிட்டுள்ளதாகவும் கூறப்படுகிறது.