ஜெயம் ரவி நடித்த 'என்றென்றும் காதல்' என்ற படத்தில் அறிமுகமாகி அதன் பின்னார் விஜய், சூர்யா, கார்த்தி, சிவகார்த்திகேயன், விஷால், சிம்பு, பிரபுதேவா, தனுஷ், உதயநிதி ஸ்டாலின், ஆர்யா, சித்தார்த், என தமிழில் கிட்டத்தட்ட அனைத்து முன்னணி நடிகர்களுடன் நடித்தவர் நடிகை ஹன்சிகா

தற்போது அவர் மணிரத்னத்தின் உதவியாளர் தினேஷ் செல்வராஜ் இயக்கத்தில் விக்ரம் பிரபு நடித்துவரும் ‘துப்பாக்கி முனை’ என்ற படத்திலும் சாம் ஆண்டன் இயக்கத்தில் அதர்வா நடிக்கும் படம் ஒன்றிலும் நடித்து வருகிறார்.

இந்த நிலையில் ஹன்சிகா மீது அவரது மேனேஜர் முனுசாமி என்பவர் தென்னிந்திய நடிகர் சங்கத்தில் பகீர் புகார் ஒன்றை அளித்துள்ளார். அதில், இதுவரை தான் பணியாற்றியதற்கான சம்பளத்தை ஹன்சிகா வழங்கவில்லை என்றும், அதைப் பெற்றுத் தரும்படியும் முனுசாமி கூறியுள்ளார். ஆனால் ஹன்சிகாவின் கால்ஷீட், சம்பளம் உள்பட அனைத்து பணிகளையும் அவரது தாயாரே கவனித்து வருவதாகவும், ஹன்சிகாவுக்கு மேனேஜர் என்று யாரும் இல்லை என்றும் அவரது தரப்பு கூறியுள்ளதாக தெரிகிறது.