கோலிவுட் திரையுலகின் முன்னணி நடிகைகளில் ஒருவரான ஹன்சிகா, பிரபுதேவா இயக்கிய 'எங்கேயும் காதல்' படத்தின் மூலம் தமிழ் திரையுலகில் அறிமுகமானார். அதன் பின்னர் விஜய்யுடன் 'வேலாயுதம், 'புலி', சூர்யாவுடன் 'சிங்கம் 2', தனுஷூடன் 'மாப்பிளை', சிம்புவுடன் 'வாலு', என முன்னணி நடிகர்களுடன் நடித்துள்ளார்

இந்த நிலையில் ஹன்சிகா 50 படத்தில் நடித்த நடிகை என்ற பெருமையை பெறவுள்ளார். அவர் இதுவரை 49 படங்களில் நடித்து முடித்துள்ள நிலையில் வரும் 9ஆம் தேதி அவருடைய 50வது பட அறிவிப்பு வெளியாகவுள்ளது. அன்றைய தினம் அவருடைய பிறந்த நாள் என்பது குறிப்பிடத்தக்கது. இந்த தகவலை ஹன்சிகா தனது சமூல வலைத்தளத்தில் தெரிவித்துள்ளார்.

தமிழ் திரையுலகில் நயன்தாரா, த்ரிஷா உள்பட ஒருசில நடிகைகளே 50 படங்களுக்கும் மேல் நடித்த நடிகை என்ற பெருமையை பெற்றுள்ள நிலையில் அரை சதம் போட்ட நடிகைகளின் பட்டியலில் தற்போது ஹன்சிகாவும் இணைந்துள்ளார். வரும் 9ஆம் தேதி ஹன்சிகாவின் 50வது பட டைட்டில் என்ன என்பதை பொறுத்திருந்து பார்ப்போம்.