பாபிசிம்ஹாவின் 'கோ 2'வில் ஹன்சிகா?
- IndiaGlitz, [Saturday,September 26 2015]
'ஜிகர்தண்டா' வெற்றிக்கு பின்னர் தேசிய விருது பெற்ற பாபிசிம்ஹாவுக்கு கோலிவுட்டில் பல வாய்ப்புகள் குவிந்துள்ள நிலையில், அவர் நடித்த 'கோ 2' திரைப்படத்தின் இசை வெளியீட்டு விழா வரும் அக்டோபர் 1ஆம் தேதி சென்னையில் நடைபெறவுள்ளது. இந்நிலையில் இந்த படத்தின் புரமோ பாடல் ஒன்று நேற்று வெளியானது.
இசையமைப்பாளர் லியோ ஜேம்ஸ் இசையமைத்த "கண்ணம்மா" என்று தொடங்கும் இந்த பாடலை பாலிவுட்டின் பிரபல பாடகர்களான விஷால் தத்லானி மற்றும் சலீம் மெர்ச்சண்ட் ஆகியோர் பாடியுள்ளனர். இந்த பாடலை பிரபல நடிகை ஹன்சிகா வெளியிட்டார். இந்த பாடலை வெளியிட்டதில் மகிழ்ச்சி அடைவதாகவும், 'கோ 2' குழுவினர்களுக்கு தனது வாழ்த்துக்கள் என்றும் ஹன்சிகா தனது சமூக வலைத்தளத்தில் தெரிவித்துள்ளார். இந்த பாடல் இணையதளத்தில் தற்போது பிரபலமாகி வருகிறது.
அறிமுக இயக்குனர் சரத் இயக்கியுள்ள இந்த படத்தை ஆர்.எஸ்.இன்ஃபோடெயின்மெண்ட் நிறுவனத்தின் சார்பில் எல்ரெட்குமார் தயாரித்துள்ளார். பாபிசிம்ஹா, பிரகாஷ்ராஜ், நிகில் கல்ராணி, பாலசரவணன் மற்றும் பலர் நடித்துள்ள இந்த படம் வரும் அக்டோபர் 21ஆம் தேதி ரிலீஸாகும் என எதிர்பார்க்கப்படுகிறது.