'இஞ்சி இடுப்பழகி' படத்தில் சிறப்பு தோற்றத்தில் 'புலி' நாயகி
- IndiaGlitz, [Friday,October 30 2015]
ஆர்யா, அனுஷ்கா நடித்துள்ள 'இஞ்சி இடுப்பழகி' திரைப்படத்தின் இசை வெளியீட்டு விழா நேற்று சென்னையில் நடைபெற்ற நிலையில் இந்த படத்தில் ஆர்யாவின் நெருங்கிய நண்பர்களில் ஒருவரும் பிரபல நடிகருமான ஜீவா சிறப்பு தோற்றத்தில் நடிக்கவுள்ளதாக ஏற்கனவே செய்திகள் வெளிவந்த நிலையில் தற்போது ஒரு பிரபல நடிகையும் சிறப்புத்தோற்றத்தில் இந்த படத்தில் நடிக்க ஒப்புக்கொண்டுள்ளதாக கூறப்படுகிறது.
தமிழ், தெலுங்கு என இரண்டு மொழிகளிலும் முன்னணி நடிகையாக விளங்கி வரும் ஹன்சிகா, இந்த படத்தில் சிறப்பு தோற்றத்தில் நடிக்க ஒப்புக்கொண்டுள்ளதாகவும், இந்த படத்தில் ஹன்சிகா, நடிகையாகவே வருவதாகவும், அவரது காட்சிகள் கிளைமாக்ஸ் காட்சிகளுக்கு முன்பு வரும்படியாக அமையவிருப்பதாகவும் கூறப்படுகிறது.
இதுகுறித்து ஹன்சிகா கூறும்போது, 'ஆர்யா பல படங்களில் சிறப்புத்தோற்றத்தில் நடித்துக்கொடுத்துள்ளார். எனவே அவருடைய படத்தில் ஒரு சிறு கேரக்டரில் நடிப்பது எனக்கு மகிழ்ச்சிதான்' என்று கூறியுள்ளார். இருவரும் இணைந்து ஏற்கனவே 'மீகாமன்' திரைப்படத்தில் நடித்துள்ளனர் என்பது குறிப்பிடத்தக்கது. மேலும் இந்த படத்தில் ஏற்கனவே தெலுங்கு பிரபல நடிகர் நாகார்ஜூனா சிறப்பு தோற்றத்தில் நடித்துள்ளார் என்பது குறிப்பிடத்தக்கது.