'சதுரங்க வேட்டை' மற்றும் 'தீரன் அதிகாரம் ஒன்று' ஆகிய இரண்டு படங்கள் மூலம் கோலிவுட் திரையுலகில் பரபரப்பை ஏற்படுத்திய இயக்குனர் எச்.வினோத், அஜித் படத்தை இயக்கும் ஜாக்பாட் வாய்ப்பை பெற்றார். அவர் இயக்கிய அஜித்தின் 'நேர்கொண்ட பார்வை' திரைப்படம் இந்த வாரம் வெளியாக இருக்கும் நிலையில் அஜித்தின் அடுத்தப் படத்தையும் அவர் இயக்க உள்ளார். 'தல 60' என்று அழைக்கப்படும் இந்த படம் ஒரு ஒரு அதிரடி ஆக்ஷன் படமாக இருக்கும் என்றும், இந்தப் படத்தில் அஜித்தின் தோற்றம் வித்தியாசமாக இருக்கும் என்றும் எதிர்பார்க்கப்படுகிறது.

இந்த நிலையில் சமீபத்தில் இயக்குனர் வினோத், தளபதி விஜய்யை சந்தித்து ஒரு கதையை கூறியதாகவும் அந்த கதையை விஜய் மிகுந்த ஆர்வத்துடன் கேட்டதாகவும் அவரிடமிருந்து இந்த படத்தை இயக்க விரைவில் அழைப்பு வரும் என தான் காத்திருப்பதாகவும் எச்.வினோத் பேட்டி ஒன்றில் கூறியுள்ளார்.

தளபதி விஜய் தற்போது அட்லி இயக்கத்தில் 'பிகில்' என்ற படத்தில் நடித்து வருகிறார். இந்த படத்தை முடித்தவுடன் அவர் லோகேஷ் கனகராஜ் இயக்கத்தில் நடிக்க உள்ளார். இந்த இரு படங்களும் முடிந்த உடன் எச்.வினோத்துக்கு விஜய் வாய்ப்பு தருவார் என்று எதிர்பார்க்கப்படுகிறது.