'துணிவு' படம் வெற்றி.. உடனே மலையேறிய எச் வினோத்!
- IndiaGlitz, [Friday,January 13 2023]
அஜித் நடித்த ’துணிவு’ திரைப்படம் நேற்று முன்தினம் வெளியாகி மிகப்பெரிய வரவேற்பை பெற்று உள்ளது என்றும் இந்த படத்தின் இரண்டு நாள் வசூல் கிட்டத்தட்ட 100 கோடியை நெருங்கி விட்டதாகவும் கூறப்படுகிறது.
இந்த நிலையில் இந்த படத்தை ஆரம்பம் முதல் கடைசி வரை விறுவிறுப்பாக கொண்டு சென்ற எச் வினோதின் திரைக்கதைக்கு வாழ்த்துக்கள் குவிந்து வருகிறது. இந்த நிலையில் தற்போது அவர் ’துணிவு’ படத்தின் வெற்றியை அடுத்து சபரிமலை ஐயப்பன் கோவிலுக்கு சென்று உள்ளார். தலையில் இருமுடி கட்டி சபரிமலையில் இயக்குனர் எச் வினோத் நடந்து செல்லும் வீடியோவுக்கு லைக்ஸ், கமெண்ட்ஸ் குவிந்து வருகின்றன.
இந்த நிலையில் சபரிமலையில் இருந்து திரும்பி வந்ததும் அவர் தனது அடுத்த படத்தின் பணிகளை தொடங்குவார் என்று எதிர்பார்க்கப்படுகிறது. எச் வினோத் இயக்கத்தில் கமல்ஹாசன் ஒரு படத்தில் நடிக்க இருப்பதாகவும், தனுஷ் ஒரு படத்தில் நடிக்க இருப்பதாகவும் கூறப்பட்ட நிலையில் எந்த படத்தை அவர் முதலில் தொடங்குவார் என்பது குறித்து அறிவிப்பு விரைவில் வெளியாகும் என்று எதிர்பார்க்கப்படுகிறது.
After #Thunivublockbuster #HVinoth sir going to #Sabarimala #Thunivu #AjithKumar #Kerala #சபரிமலை pic.twitter.com/udEvhnIos4
— Prakash (@prakashpins) January 13, 2023