அட்லி இயக்கத்தில் இளையதளபதி விஜய், சமந்தா, எமிஜாக்சன் நடித்து வரும் 'தெறி' படத்தின் படப்பிடிப்பு இன்னும் ஓரிரு நாட்களில் முடிவடையவுள்ளது. இந்நிலையில் இந்த படத்தின் பாடல்களின் பணிகளும் முற்றிலும் முடிந்துவிட்டதாகவும், தற்போது தீம் மியூசிக் அமைக்கும் பணிகள் விறுவிறுப்பாக நடைபெற்று வருவதாகவும் படக்குழுவினர்களிடம் இருந்து தகவல்கள் வெளிவந்துள்ளது.

நடிகராகவும் இசையமைப்பாளராகவும் பிசியாக இருக்கும் ஜி.வி.பிரகாஷ், தனது நடிப்பு பணிகளுக்கு இடையே 'தெறி' படத்தின் இசைக்கு மிகுந்த முக்கியத்துவம் கொடுத்து வருகிறார். இந்த படம் அவருக்கு 50வது படம் என்பதால் அவர் சிறப்பு கவனத்துடன் இசையமைத்துள்ளார் என்பது குறிப்பிடத்தக்கது.

தீம் மியூசிக் அமைக்கும் பணிகள் முடிவடைந்ததும் 'தெறி' படத்தின் இசை வெளியீட்டு தேதி மற்றும் டீசர் வெளியாகும் தேதி அதிகாரபூர்வமாக அறிவிக்கப்படும் என்றும் கூறப்படுகிறது.

விஜய், சமந்தா, எமிஜாக்சன், பிரபு, ராதிகா சரத்குமார்,இயக்குனர் மகேந்திரன், சத்யராஜ், மொட்டை ராஜேந்திரன், அழகம் பெருமாள், காளி வெங்கட், உள்பட பலர் நடிக்கும் இந்த படத்தில் நடிகை சுனைனா சிறப்பு தோற்றத்தில் நடித்துள்ளார். கலைப்புலி எஸ்.தாணு இந்த படத்தை பிரமாண்டமாக தயாரித்து வருகிறார். இந்த படம் வரும் தமிழ்ப்புத்தாண்டு தினத்தில் வெளியாகும் என எதிர்பார்க்கப்படுகிறது.