டைட்டில் ஆனது 'பாட்ஷா' படத்தின் அனல் பறக்கும் வசனம்
- IndiaGlitz, [Wednesday,January 20 2016]
பிரபல தயாரிப்பு நிறுவனமான 'லைகா புரடொக்ஷன்ஸ் தயாரிப்பில் ஜி.வி.பிரகாஷ் நடிக்கும் படத்திற்கு இன்று மாலை அதிகாரபூர்வமான டைட்டில் அறிவிக்கப்படும் என ஏற்கனவே வெளிவந்த செய்தியின்படி சற்று முன்னர் இந்த படத்தின் டைட்டில் அறிவிக்கப்பட்டுள்ளது.
இதன்படி அனைவரும் எதிர்பார்த்தபடியே சூப்பர் ஸ்டார் ரஜினியின் அனல் பறக்கும் பாட்ஷா படத்தின் வசனமான 'எனக்கு இன்னொரு பேர் இருக்கு' என்ற டைட்டில் இந்த படத்திற்கு வைக்கப்பட்டுள்ளது.
இந்த படத்தின் டைட்டிலே படத்தின் வெற்றியை உறுதி செய்துள்ளதாக சமூக வலைத்தளத்தில் பலர் கருத்து தெரிவித்துள்ளனர். முன்னதாக ஜி.வி.பிரகாஷ் இன்று காலை ரஜினியை மரியாதை நிமித்தமாக சந்தித்து ஆசி பெற்றார் என்பது குறிப்பிடத்தக்கது.