ஒரே மாதத்தில் வெளியாகும் இரண்டு ஜி.வி.பிரகாஷ் படங்கள்
- IndiaGlitz, [Thursday,October 13 2016]
கிட்டத்தட்ட மாதம் ஒரு படம் வெளியிடும் நடிகர் என்ற பட்டத்தை விஜய்சேதுபதி பெற்றுள்ள நிலையில் நடிகரும் இசையமைப்பாளருமான ஜி.வி.பிரகாஷின் இரண்டு படங்கள் ஒரே மாதத்தில் வெளிவர வாய்ப்பு இருப்பதாக தகவல்கள் வெளிவந்துள்ளது.
எம்.ராஜேஷ் இயக்கத்தில் ஜி.வி.பிரகாஷ், நிக்கி கல்ராணி, ஆனந்தி நடித்த 'கடவுள் இருக்கான் குமாரு' வரும் தீபாவளி தினத்தில் வெளியாகும் என்ற தகவல் முதலில் வந்தது. ஆனால் தற்போது இந்த படம் நவம்பரில் வெளியாகும் என்று கூறப்படுகிறது.
இதேபோல் ஜி.வி.பிரகாஷ் நடித்த இன்னொரு படமான 'புரூஸ்லீ' திரைப்படம் ரிலீசுக்கு தயாராகியுள்ள நிலையில் இந்த படமும் நவம்பர் இரண்டாவது வாரத்தில் வெளியாகவுள்ளதாக நம்பத்தகுந்த வட்டாரங்களில் இருந்து செய்தி வெளியாகியுள்ளது.