தமிழ் திரையுலகில் எம்.ஜி.ஆர் நடித்த 'நாடோடி மன்னன் திரைப்படம் முதல் பாதி கருப்பு வெள்ளையாகவும், இரண்டாம் பாதி வண்ணப்படமாகவும் வெளிவந்து பெரும் பரபரப்பை ஏற்படுத்தியது. இதேபோல் ஜி.வி.பிரகாஷ் நடித்த படம் ஒன்று முதல் பாதி 2D ஆகவும், இரண்டாம் பாதி 3D தொழில்நுட்பத்திலும் தயாரிக்கப்பட்டு வருகிறது.

த்ரிஷா இல்லைனா நயன்தாரா' படத்திற்கு பின்னர் இயக்குனர் ஆதிக் மற்றும் ஜி.வி.பிரகாஷ் மீண்டும் இணைந்த படம் ஒன்று வேகமாக வளர்ந்து வருகிறது. இந்த படத்தின் முதல்கட்ட படப்பிடிப்பு முடிவடைந்து தற்போது இரண்டாம் கட்ட படப்பிடிப்பு நடந்து வருகிறது.

இந்த படத்தின் இரண்டாம் பாதி கதைக்கு கண்டிப்பாக 3D தொழில்நுட்பம் தேவைப்படுவதால் முழுக்க முழுக்க இரண்டாம் பாதி 3D தொழில்நுட்பத்தில் படமாக்க படக்குழுவினர் முடிவு செய்துள்ளனர். எனவே முதல் பாதி 2Dயிலும், இரண்டாம் பாதி 3Dயிலும் வெளிவரும் முதல்படமாக அனேகமாக இதுவாகத்தான் இருக்கும் என்று கருதப்படுகிறது.