'தெறி'யில் இன்னொரு போனஸ். ஜி.வி. பிரகாஷ் வெளியிட்ட புதிய தகவல்
- IndiaGlitz, [Thursday,March 31 2016]
இளையதளபதி விஜய் நடித்த 'தெறி' படத்தின் பாடல்கள் சமீபத்தில் வெளியாகி மாஸ் ஹிட்டானது அனைவருக்கும் தெரிந்ததே. இந்த படத்தின் ஏழு பாடல்களும் விஜய் ரசிகர்களின் மாபெரும் வரவேற்பை பெற்றுள்ள நிலையில் இன்னொரு போனஸாக கடைசி ரிலீல் ஒரு சிறிய பாடல் ஒன்றை புதியதாக இணைத்துள்ளதாக இசையமைப்பாளர் ஜி.வி.பிரகாஷ் தனது சமூக வலைத்தளத்தில் அறிவித்துள்ளார்.
மேலும் இந்த படத்தின் பின்னணி இசை பணிகள் முற்றிலும் முடித்து ஒப்படைத்துவிட்டதாகவும் அவர் தெரிவித்துள்ளார். இந்த படத்தில் இடம்பெற்றுள்ள 'டப் தெறி ஸ்டெப்' பாடல் முக்கிய இடத்தில் இடம்பெற்றுள்ளதாக தெரிவித்த ஜி.வி.பிரகாஷ் பாடல்கள் மற்றும் பின்னணி இசை இந்த படத்திற்கு பிரம்மாதமாக அமைந்துள்ளது என்றும் கூறியுள்ளார்.
விஜய், சமந்தா, எமிஜாக்சன், இயக்குனர் மகேந்திரன், மொட்டை ராஜேந்திரன், ராதிகா உள்பட பலர் நடித்துள்ள இந்த படத்தை இயக்குனர் அட்லி இயக்கியுள்ளார். கலைப்புலி எஸ்.தாணு தயாரித்துள்ள இந்த படத்தின் வியாபாரம் சுறுசுறுப்பாக நடைபெற்று வருகிறது.
A bonus little song In the last reel of #theri added in bgscore .. Bgscore completed and handed .. #dubtheristep at imp places will shine
— G.V.Prakash Kumar (@gvprakash) March 31, 2016