செல்வராகவன் இயக்கத்தில் கார்த்தி, ரீமாசென், ஆண்ட்ரியா நடிப்பில் உருவான ’ஆயிரத்தில் ஒருவன்’ என்ற திரைப்படம் கடந்த 2010 ஆம் ஆண்டு வெளியான நிலையில் இந்த படத்தின் இரண்டாம் பாகம் குறித்த அறிவிப்பு விரைவில் வெளியாகும் என்று கூறப்பட்டது.

செல்வராகவன் பல பேட்டிகளில் ’ஆயிரத்தில் ஒருவன் 2’ படம் குறித்து கூறியிருந்தார் என்பதும் ரசிகர்கள் அவ்வப்போது அவரிடம் ’ஆயிரத்தில் ஒருவன் 2’ என்ற கேள்வியை எழுப்பி வருகின்றனர் என்பது குறிப்பிடத்தக்கது.

இந்த நிலையில் சமீபத்தில் பேட்டி அளித்த இசையமைப்பாளர் ஜிவி பிரகாஷ் ’ஆயிரத்தில் ஒருவன் 2’ படத்தில் தனுஷ் நடிக்கிறார் என்றும் இது ரொம்ப பெரிய பட்ஜெட் படம் என்றும் அது நடந்தால் நானும் மிகவும் சந்தோஷப்படுவேன் என்றும் தெரிவித்தார். மேலும் செல்வராகவனிடம் ’ஆயிரத்தில் ஒருவன் 2’ படத்தின் கதையைக் கேட்க நான் மிகவும் ஆவலுடன் இருக்கிறேன் என்றும் அவர் தெரிவித்துள்ளார். இதனை அடுத்து ஆயிரத்து ’ஆயிரத்தில் ஒருவன் 2’ படம் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.

சமீபத்தில் வெளியான ’பொன்னியின் செல்வன்’ திரைப்படத்தின் இரண்டு பாகங்களும் சோழர்களின் புகழை தமிழகம் மட்டுமின்றி உலகம் முழுவதும் பரப்பிய நிலையில் அதே சோழர்களின் கதையை வித்தியாசமாக சொன்ன படம் தான் ’ஆயிரத்தில் ஒருவன்’ என்பதும் அந்த படத்தின் இரண்டாம் பாகம் தற்போது வெளியாவது மிகச் சரியான காலம் என்றும் ரசிகர்கள் கருத்து தெரிவித்து வருகின்றனர்.