நடிகர் சூர்யா நடிப்பில் சுதா கொங்கரா இயக்கத்தில் உருவாகிவரும் ’சூரரை போற்று’படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருவது தெரிந்ததே.

இந்த நிலையில் சமீபத்தில் ’சூரரை போற்று’படத்தின் டீசர் வெளியாகி மிகப்பெரிய வரவேற்பை பெற்றது. இதனை அடுத்து தற்போது இந்த படத்தின் இசையமைப்பாளர் ஜிவி பிரகாஷ் அடுத்த அப்டேட்டை வழங்கியுள்ளார்.

இந்த படத்தில் ஏற்கனவே ’மாறா தீம்’ என்ற தீம் மியூசிக் பாடல் இருப்பதாக ஜிவி பிரகாஷ் குறிப்பிட்டிருந்த நிலையில் இந்த பாடலின் மிக்ஸிங் பணி தற்போது தயாராகி வருவதாகவும் மிக விரைவில் இந்த தீம் பாடல் சிங்கிள் பாடலாக ரிலீஸ் செய்ய இருப்பதாகவும் அவர் தெரிவித்துள்ளார்.

சூரியாவின் குரலில் தெருக்குரல் அறிவு பாடல் வரிகளில் உருவாக்கி இருக்கும் பாடல் மிகப் பெரிய வரவேற்பை பெறும் என்று எதிர்பார்க்கப்படுகிறது. சுதா கொங்காரா இயக்கத்தில் சூர்யாவின் 2டி எண்டர்டெயின்மெண்ட் நிறுவனத்தின் தயாரிப்பில் உருவாகி வரும் இந்த படத்தில் சூர்யா, அபர்ணா பாலமுரளி, கருணாஸ், ஜாக்கி ஷெராப், மோகன்பாபு, பரேஷ் ராவல் உள்பட பலர் நடித்துள்ளனர்.

#maaratheme mixing on process ... will be released as single very very soon ???? @Suriya_offl vocals ... @TherukuralArivu lyrics ... #SooraraiPottru

— G.V.Prakash Kumar (@gvprakash) January 17, 2020