பிரபல இசையமைப்பாளர் ஜி.வி.பிரகாஷ் நடித்த 'டார்லிங்' படம் கடந்த பொங்கல் தினத்தில் வெளியானது. இந்த படம் வெளியாகி சுமார் எட்டு மாதங்கள் ஆகிவிட்டபோதிலும் அவருடைய அடுத்த படம் இன்னும் வெளியாகவில்லை. ஜி.வி.பிரகாஷ் நடித்த பென்சில், "த்ரிஷா இல்லைனா நயன்தாரா" ஆகிய படங்கள் கிட்டத்தட்ட வெளியாகும் சூழ்நிலையில் இருந்தாலும் இன்னும் ரிலீஸ் தேதி அதிகாரபூர்வமாக அறிவிக்கப்படவில்லை.

ஜி.வி.பிரகாஷ், கயல்' ஆனந்தி, மனிஷா யாதவ், விடிவி கணேஷ் மற்றும் பலர் நடித்திருந்த இந்த படம் ஆகஸ்ட் இறுதியில் ரிலீஸாகும் என அனைவராலும் எதிர்பார்க்கப்பட்ட நிலையில் தற்போது இந்த படத்தின் ரிலீஸ் செப்டம்பர் மாதத்திற்கு தள்ளி வைக்கப்பட்டுள்ளதாக கூறப்படுகிறது.

"த்ரிஷா இல்லைனா நயன்தாரா" படம் ஒரே நேரத்தில் தமிழ் மற்றும் தெலுங்கு ஆகிய இருமொழிகளில் ரிலீஸ் செய்ய திட்டமிட்டுருப்பதாகவும், தெலுங்கு பதிப்பின் பணிகள் இன்னும் முடிவடையாததால் இந்த படம் அடுத்த மாதத்திற்கு தள்ளி வைக்கப்பட்டதாகவும் கூறப்படுகிறது. செப்டம்பர் மாத தொடக்கத்தில் பாயும் புலி, புலி, ஆகிய படங்கள் வெளியாகவுள்ளதால் இந்த படம் செப்டம்பர் இறுதியில் வெளியாகும் என கூறப்படுகிறது.