ஜிவி பிரகாஷ் இசையில் தனுஷ் நடிப்பில் உருவான 'அசுரன்' திரைப்படத்தின் இரண்டு பாடல்கள் இன்று வெளியாகி சமூக வலைதளங்களில் வைரல் ஆகி வரும் நிலையில் ஜிவி பிரகாஷ் நடித்த படம் ஒன்றின் ரிலீஸ் தேதி சற்றுமுன் அறிவிக்கப்பட்டுள்ளது.

சித்தார்த், ஜிவி பிரகாஷ் நடிப்பில் இயக்குநர் சசி இயக்கிய திரைப்படம் 'சிவப்பு மஞ்சள் பச்சை'. இந்த திரைப்படத்தின் படப்பிடிப்பு மற்றும் போஸ்ட் புரடொக்ஷன் பணிகள் சமீபத்தில் முடிவடைந்து சென்சார் சான்றிதழும் பெற்று ரிலீசுக்கு தயாராகி இருக்கும் நிலையில் இந்த படம் வரும் செப்டம்பர் 6ஆம் தேதி வெளியாகும் என்று அறிவிக்கப்பட்டுள்ளது. இந்த தகவலை ஜிவி பிரகாஷ் தனது சமூக வலைத்தளத்தில் உறுதி செய்துள்ளார். இதே செப்டம்பர் 6ஆம் தேதி தான் தனுஷ் நடித்த 'என்னை நோக்கி பாயும் தோட்டா' திரைப்படம் வெளிவர இருப்பதாக அறிவிக்கப்பட்டுள்ளது என்பது குறிப்பிடத்தக்கது.

சித்தார்த், ஜிவி பிரகாஷ், லிஜோமால் ஜோஸ், காஷ்மீரா பர்தேஷி, தீபா ராமானுஜம் உள்பட பலர் நடித்துள்ள இந்த படத்திற்கு சித்துகுமார் இசையமைத்துள்ளார். பிரசன்னகுமார் ஒளிப்பதிவில், சான் லோகேஷ் படத்தொகுப்பில் உருவாகியிருக்கும் இந்த படத்தை அபிஷேக் பிலிம்ஸ் நிறுவனம் தயாரித்துள்ளது.

#SivappuManjalPachai sattelite and digital with @SunTV ... film releasing on september 6th ... @Actor_Siddharth #sasi #smponseptember6th pic.twitter.com/aonZkXanJN

— G.V.Prakash Kumar (@gvprakash) August 28, 2019