'கடவுள் இருக்குறான் குமாரு'க்கு கிடைத்த முதல் வெற்றி
- IndiaGlitz, [Friday,November 18 2016]
ஜி.வி.பிரகாஷ், நிக்கி கல்ராணி நடிப்பில் எம்.ராஜேஷ் இயக்கியுள்ள 'கடவுள் இருக்குறான்' திரைப்படம் இன்று உலகம் முழுவதும் வெளியாகவுள்ளது. எம்.ராஜேஷின் வழக்கமான காமெடி இந்த படத்திலும் தொடரும் என எதிர்பார்க்கப்படுவதால் இந்த படத்திற்கு ரசிகர்கள் மத்தியில் நல்ல வரவேற்பு ஏற்பட்டுள்ளது.
கடந்த சில நாட்களாகவே சரியாக திட்டமிட்டு செய்து வரும் புரமோஷன் காரணமாக இந்த படத்தின் முன்பதிவு அபாரமாக இருந்ததாகவும், கண்டிப்பாக இந்த படம் வெற்றி பெறும் என்று விநியோகிஸ்தர்களால் எதிர்பார்க்கப்படுகிறது.
இந்நிலையில் இந்த படத்திற்கு கிடைத்த முதல் வெற்றியாக இந்த படத்திற்கு தமிழக அரசின் 30% வரிவிலக்கு கிடைத்துள்ளது என்பது குறிப்பிடத்தக்கது. ஜி.வி.பிரகாஷின் முதல் 'யூ' சான்றிதழ் பெற்றுள்ள இந்த படத்திற்கு வரிவிலக்கு கிடைத்த செய்தி தயாரிப்பாளர், திரையரங்கு உரிமையாளர்கள், விநியோகிஸ்தர்களுக்கு இனிப்பான செய்தி என்பதில் சந்தேகம் இல்லை. இந்த படத்தின் விமர்சனத்தை இன்னும் சற்று நேரத்தில் பார்ப்போம்.