தமிழ் திரை உலகில் நடிகர் மற்றும் இசையமைப்பாளர் என இரண்டு துறைகளிலும் பிஸியாக இருப்பவர் என்றால் அது ஜிவி பிரகாஷ் மட்டுமே என்பதும் இரண்டு துறைகளிலும் அவர் தொடர்ச்சியாக வெற்றி பெற்று வருகிறார் என்பதையும் பார்த்து வருகிறோம்.

அந்த வகையில் ஜி.வி பிரகாஷ் நடிப்பில் உருவாகி வந்த ’ரிபல்’ என்ற திரைப்படத்தின் படப்பிடிப்பு முடிவடைந்து தற்போது தொழில்நுட்ப பணியும் முடிவடைந்து ரிலீசுக்கு தயாராக உள்ளது

இந்த நிலையில் சற்றுமுன் இந்த படத்தின் சென்சார் தகவல்களை அவரே தனது சமூக வலைத்தளத்தில் தெரிவித்துள்ளார். இந்த படத்திற்கு சென்சார் அதிகாரிகள் ‘யூஏ’ சான்றிதழ் கொடுத்துள்ளதாக அவர் தெரிவித்துள்ள புதிய போஸ்டர் இணையத்தில் வைரல் ஆகி வருகிறது.

அறிமுக இயக்குனர் நிகேஷ் இயக்கத்தில் ஸ்டுடியோ கிரீன் ஞானவேல் ராஜா தயாரிப்பில் உருவாகிய இந்த படம் மூணாறு பகுதியில் உள்ள மக்களின் அரசியல் குறித்து பேசி இருப்பதாகவும் இதுவரை வெளிவராத மூணாறு மக்களின் பல விஷயங்கள் இந்த படம் வெளியான பின்னர் தெரியும் என்று கூறப்படுகிறது. இந்த படத்தின் ரிலீஸ் தேதி இன்னும் ஒரு சில நாட்களில் அறிவிக்கப்படும் என்று எதிர்பார்க்கப்படுகிறது.