இந்த ஆண்டு 'சர்வம் தாளமயம்', 'குப்பத்து ராஜா', 'வாட்ச்மேன்' ஆகிய மூன்று திரைப்படங்கள் ஏற்கனவே ஜிவி பிரகாஷ் நடிப்பில் வெளியாகியுள்ள நிலையில் இன்னும் நான்கு ஜிவி பிரகாஷ் நடித்த திரைப்படங்கள் வெளியாக தயார் நிலையில் உள்ளன. அவற்றில் ஒன்று '100% காதல்'. இந்த படத்தின் படப்பிடிப்பு மற்றும் போஸ்ட் புரொடக்ஷன் பணிகள் முற்றிலும் முடிவடைந்து ரிலீசுக்கு தயாராக உள்ள நிலையில் சரியான ரிலீஸ் தேதியை எதிர்நோக்கியுள்ளதாக கூறப்படுகிறது

இந்த நிலையில் '100% காதல்' திரைப்படத்தின் இசை வெளியீட்டு விழா வரும் 11ம் தேதி நடைபெறும் என அறிவிக்கப்பட்டுள்ளது. இதனையடுத்து இந்த படத்தின் ரிலீஸ் தேதியும் விரைவில் அறிவிக்கப்படும் என எதிர்பார்க்கப்படுகிறது

ஜிவி பிரகாஷ், ஷாலினி பாண்டே, சதீஷ், யோகி பாபு, நாசர் உள்பட பலர் நடித்துள்ள இந்த படத்தை எம்.எம்.சந்திரமெளலி இயக்கியுள்ளார். ஜிவி பிரகாஷின் இசையில் காசி விசுவநாதன் படத்தொகுப்பில், கணேஷ் ராஜவேலு ஒளிப்பதிவில் உருவாகியிருக்கும் இந்தப் படம் '100% லவ்' என்ற தெலுங்கு திரைப்படத்தின் ரீமேக் என்பது குறிப்பிடத்தக்கது