ஜி.வி.பிரகாஷின் அடுத்த பட டைட்டில் இதுவா?
- IndiaGlitz, [Wednesday,August 17 2016]
ஸ்ரீக்ரீன் புரடொக்ஷன்ஸ் நிறுவனத்தின் தயாரிப்பில் ஜி.வி.பிரகாஷ் ஒரு படத்தில் நடிக்கவுள்ளதாகவும் இந்த படத்தில் சரத்குமார் ஒரு முக்கிய கேரக்டரில் நடிக்கவுள்ளதாகவும் வெளிவந்த செய்தியினை ஏற்கனவே பார்த்தோம். இந்நிலையில் இந்த படத்தின் டைட்டில் குறித்த தகவல் தற்போது வெளிவந்துள்ளது.
இந்த படத்தில் அப்பாவியான ஜி.வி.பிரகாஷ் மீது ஒரு பெரிய குற்றப்பழி விழுவதாகவும், அதிலிருந்து அவர் மீண்டு நிரபராதி என்று தன்னை எப்படி நிரூபிக்கின்றார் என்பதுதான் கதை என்றும் கூறப்படுகிறது. மேலும் இந்த படத்திற்கு 'அடங்காதே' என்ற டைட்டில் வைக்க படக்குழுவினர் முடிவு செய்திருப்பதாக கூறப்படுகிறது.
ஜி.வி.பிரகாஷுடன் சரத்குமார், வைபவி சந்தில்யா, தம்பி ராமையா உள்ளிட்ட பலர் நடிக்கவுள்ள இந்த படத்தை சண்முகம் முத்துசாமி இயக்கவுள்ளார். இந்த படத்தின் படப்பிடிப்பு விரைவில் தொடங்கவுள்ளது.