இசையமைப்பாளர், நடிகர் ஜிவி பிரகாஷ் தற்போது கோலிவுட்டின் பிசியான நடிகர்களில் ஒருவர். ஒரே நேரத்தில் சுமார் அரை டஜன் படங்களுக்கும் மேல் நடித்து வரும் இவர் நடித்து வரும் படங்களில் ஒன்று குப்பத்து ராஜா'

இந்த படத்தின் படப்பிடிப்பு சமீபத்தில் முடிந்து தற்போது போஸ்ட் புரடொக்ஷன்ஸ் பணிகள் விறுவிறுப்புடன் நடைபெற்று வரும் நிலையில் இந்த படத்தின் ரிலீஸ் தேதி அறிவிக்கப்பட்டுள்ளது. இந்த படம் வரும் கிறிஸ்துமஸ் திருநாளில் வெளியாகவுள்ளது. இந்த தகவலை உறுதிப்படுத்தும் வகையில் ரிலீஸ் தேதியுடன் கூடிய புதிய போஸ்டர் சற்றுமுன் இணையதளங்களில் வெளியாகியுள்ளது. இதே தேதியில்தான் சிவகார்த்திகேயனின் 'வேலைக்காரன்' ரிலீஸ் ஆகவுள்ளது என்பது குறிப்பிடத்தக்கது.

ஜி.வி.பிரகாஷ், பார்த்திபன், பாலக் லால்வானி, பூனம் பாஜ்வா, எம்.எஸ்.பாஸ்கர், யோகிபாபு உள்பட பலர் நடித்து வரும் இந்த படத்தை பாபா பாஸ்கர் இயக்கி வருகிறார். 'எஸ் ஃபோகஸ்' நிறுவனம் தயாரித்து வரும் இந்த படத்திற்கு ஜி.வி.பிரகாஷ் இசையமைக்கின்றார். மகேஷ் முத்துசாமி ஒளிப்பதிவில், பிரவீண் படத்தொகுப்பில் இந்த படம் உருவாகி வருகிறது.