பொங்கல் ரேசில் இருந்து பின்வாங்கிய பிரபல நடிகரின் படம்
- IndiaGlitz, [Friday,January 06 2017]
ஜி.வி.பிரகாஷ் நடித்த 'புரூஸ்லீ' திரைப்படம் இம்மாதம் 13ஆம் தேதி பொங்கல் திருவிழா படங்களில் ஒன்றாக வெளியாகவுள்ளதாக அறிவிக்கப்பட்டது.
பொங்கல் ரிலீசுக்கு தேவையான அனைத்து நடவடிக்கைகளும் எடுக்கப்பட்டுள்ள நிலையில் தற்போது இந்த படத்தின் ரிலீஸ் பிப்ரவரி மாதத்திற்கு தள்ளி வைக்கப்பட்டுள்ளதாக செய்திகள் வெளிவந்துள்ளது. இதுகுறித்த அறிவிப்பை படக்குழுவினர் விரைவில் வெளியிடுவார்கள் என்று எதிர்பார்க்கப்படுகிறது.
இதனால் வரும் பொங்கல் திருநாளில் விஜய்யின் 'பைரவா', 'விஜய்சேதுபதியின் 'புரியாத புதிர்', பார்த்திபனின் 'கோடிட்ட இடங்களை நிரப்புக' ஆகிய மூன்று படங்கள் மட்டுமே தற்போது உறுதி செய்யப்பட்டுள்ளது.
பொங்கல் திருநாளில் ஜி.வி.பிரகாஷின் 'புரூஸ்லீ' ரிலீஸ் ஆகாதது அவரது ரசிகர்களுக்கு ஏமாற்றத்தை அளித்தபோதிலும், 'பைரவா' படத்துடன் அவர் நடித்து வரும் மற்றொரு படமான 'அடங்காதே' படத்தின் டீசர் வெளிவரவுள்ளது என்பது ஒரு ஆறுதலான தகவல்