டாஸ்மாக் காட்சி இல்லாத முதல் ராஜேஷ் படம் 'கிக்'
- IndiaGlitz, [Wednesday,September 07 2016]
இயக்குனர் எம்.ராஜேஷ் இயக்கிய 'சிவா மனசுல சக்தி' படத்தில் இருந்து 'வாசுவும் சரவணனும் ஒண்ணா படிச்சவங்க' படம் வரை அனனத்து படங்களிலும் டாஸ்மாக் காட்சிகள் இடம்பெற்றிருந்த நிலையில் 'கிக்' என்ற டைட்டில் வைத்திருந்த போதிலும் டாஸ்மாக் காட்சி இல்லாத முதல் படமாக 'கடவுள் இருக்கான் குமாரு' படம் அமைந்துள்ளதாக செய்திகள் வெளிவந்துள்ளது.
அம்மா கிரியேஷன்ஸ் சிவா தயாரித்துள்ள இந்த படம் ஒரு ஜாலியான ரோடு படம் என்றும் இதில் காதல், காமெடி, செண்டிமெண்ட் கலந்த ஒரு எண்டர்டெயின்மெண்ட் படம் என்றும் கூறப்படும். மேலும் இதுவொரு ரோடு பிலிம் என்பதால் பெரும்பாலும் சாலைகளில் படமாக்கப்பட்டுள்ளதாகவும் குறிப்பாக சென்னை ஈ.சி.ஆர் ரோடு, பாண்டிச்சேரி , கோவா போன்ற டிராபிக் இல்லாத பகுதிகளில் படமாக்கப்பட்டுள்ளதாகவும் செய்திகள் கிடைத்துள்ளன.
மேலும் இந்த படம் எம்.ராஜேஷின் முந்தைய படங்கள் போலவே 'யூ' சர்டிபிகேட் படமாக அமையும் என்று எதிர்பார்க்கப்படுகிறது. வரும் தீபாவளி தினத்தில் வெளியாகும் என்று எதிர்பார்க்கப்படும் இந்த படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது.
ஜி.வி.பிரகாஷ், நிக்கி கல்ராணி, ஆனந்தி, ஆர்ஜே பாலாஜி உள்பட பலர் நடித்து வரும் இந்த படத்தில் பிரகாஷ்ராஜ் முக்கிய கேரக்டர் ஒன்றில் நடித்துள்ளார். ஜி.வி.பிரகாஷ் இந்த படத்திற்கு இசையமைத்துள்ளார்.