ஜிவி பிரகாஷின் 'வாட்ச்மேன்' ரிலீஸ் தேதி அறிவிப்பு
- IndiaGlitz, [Wednesday,March 06 2019]
நடிகரும் இசையமைப்பாளருமான ஜிவி பிரகாஷ் ஒவ்வொரு ஆண்டும் அதிக படங்களில் நடித்து வரும் நடிகர்களில் ஒருவர். இவரது நடிப்பில் சமீபத்தில் 'சர்வம் தாளமயம்' வெளியாகி நல்ல வரவேற்பை பெற்ற நிலையில் தற்போது அவர் நடித்து முடித்துள்ள '100% காதல்', 'வாட்ச்மேன்' மற்றும் 'குப்பத்து ராஜா' ஆகிய மூன்று திரைப்படங்கள் ரிலீசுக்கு தயாராக உள்ளது.
இந்த நிலையில் 'வாட்ச்மேன்' திரைப்படம் வரும் ஏப்ரல் 12ஆம் தேதி தமிழ்ப்புத்தாண்டு விருந்தாக வெளியாகவிருப்பதாக அறிவிக்கப்பட்டுள்ளது. மேலும் ரிலீஸ் தேதியுடன் கூடிய புதிய போஸ்டர் ஒன்றும் சற்றுமுன் இணையதளங்களில் வெளியாகியுள்ளது.
இயக்குனர் ஏ.எல்.விஜய் இயக்கத்தில் உருவாகியுள்ள 'வாட்ச்மேன்' படத்தில் ஜிவி பிரகாஷ், யோகிபாபு, ராஜ் அர்ஜூன், சக்யுக்தா ஹெக்டே உள்பட பலர் நடித்துள்ளனர். ஜிவி பிரகாஷ் இசையில், நீரவ் ஷா ஒளிப்பதிவில் அந்தோணி படத்தொகுப்பில் உருவாகியுள்ள இந்த படத்தை டபுள்மீனிங் புரடொக்சன்ஸ் நிறுவனம் தயாரித்துள்ளது.