இயக்குனர் எம் ராஜேஷ் இயக்கத்தில் ஜிவி பிரகாஷ் நடிக்கும் திரைப்படத்தின் டைட்டில் ’வணக்கம்டா மாப்ள’ என இன்று காலை அறிவிக்கப்பட்டது என்பது தெரிந்ததே. சன் எண்டர்டெயின்மெண்ட் நிறுவனம் தயாரிக்கும் இந்த திரைப்படத்தின் படப்பிடிப்பு விறுவிறுப்பாக நடைபெற்று வருவதாகவும் இன்று மாலை 4 மணிக்கு இந்த படத்தின் பர்ஸ்ட் லுக் வெளியாகும் என்று ஏற்கனவே வெளிவந்த செய்தியைப் பார்த்தோம்

இந்த நிலையில் சற்று முன்னர் இந்த படத்தின் பர்ஸ்ட் லுக் போஸ்டர் வெளியாகி இணையதளங்களில் வைரலாகி வருகிறது. ஜிவி பிரகாஷ் அம்ரிதா ஐயர் மற்றும் டேனியல் உள்ள போஸ்டரும் ஜிவி பிரகாஷ் மற்றும் டேனியல் போப் ஆகிய இருவரும் திருமண கோலத்தில் இருக்கும் புகைப்படமும் பர்ஸ்ட்லுக் போஸ்டராக வெளிவந்துள்ளது

சித்தார்த் ரங்கநாதன் ஒளிப்பதிவில் சுரேஷ் படத்தொகுப்பில் உருவாகும் இந்த படத்திற்கு ஜீவி பிரகாஷ் இசையமைக்கிறார். சன் என்டர்டைன்மென்ட் நிறுவனம் தயாரிக்கும் இந்த திரைப்படம் வரும் ஏப்ரல் மாதம் வெளியாகும் என எதிர்பார்க்கப்படுகிறது.