ஜிவி பிரகாஷின் 'செம' ரிலீஸ் எப்போது?
- IndiaGlitz, [Sunday,April 29 2018]
கோலிவுட் திரையுலகின் வேலைநிறுத்தம் முடிவுக்கு வந்து பல திரைப்படங்களின் ரிலீஸ் தேதி அறிவிக்கப்பட்டு வரும் நிலையில் ஜிவி பிரகாஷின் 'செம' திரைப்படமும் ரிலீசுக்கு தயாராக உள்ளது.
இந்த படம் வரும் மே மாதம் ரிலீஸ் ஆகவுள்ளதாகவும், தயாரிப்பாளர் சங்கத்தின் வெளியீட்டுக்குழு அனுமதி அளித்தவுடன் ரிலீஸ் தேதி உறுதி செய்யப்படும் என்றும் படக்குழுவினர் தெரிவித்துள்ளனர். இந்த நிலையில் இந்த படம் மே வெளியீடு என்ற வாசகத்துடன் புதிய போஸ்டர் ஒன்றும் வெளியாகியுள்ளது.
ஜிவி பிரகாஷ், அர்த்தனா பினு, யோகிபாபு, கோவை சரளா, மன்சூர் அலிகான், சுஜாதா சிவகுமார் உள்ளிட்ட பலர் நடித்துள்ள இந்த படத்தை வள்ளிகாந்த் இயக்கியுள்ளார். பிரபல இயக்குனர் பாண்டிராஜ் மற்றும் ரவிச்சந்திரன் தயாரிப்பில் உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். விவேக் ஆனந்த் ஒளிப்பதிவில், பிரதீப் ராகவ் படத்தொகுப்பில் இந்த படம் உருவாகியுள்ளது.