ஜிவி பிரகாஷ் நடிப்பில் தேசிய விருது பெற்ற இயக்குனர் பாலா இயக்கிய 'நாச்சியார்' திரைப்படம் சமீபத்தில் வெளியாகிய நிலையில் அவருடைய அடுத்த படமான 'செம' படத்தின் ரிலீஸ் தேதி தற்போது அதிகாரபூர்வமாக அறிவிக்கப்பட்டுள்ளது.

கோலிவுட் திரையுலகின் வேலைநிறுத்தம் முடிவுக்கு வந்து ஒவ்வொரு வாரமும் புதிய படங்கள் ரிலீஸ் ஆகி வரும் நிலையில் ஜிவி பிரகாஷின் 'செம' திரைப்படம் இம்மாதம் 25ஆம் தேதி ரிலீஸ் செய்ய முடிவு செய்யப்பட்டுள்ளது. இந்த தகவலை ஜிவி பிரகாஷ் தன்னுடைய சமூக வலைத்தளத்தில் உறுதி செய்துள்ளார்.

ஜிவி பிரகாஷ், அர்த்தனாபினு, யோகிபாபு, கோவை சரளா, மன்சூர் அலிகான், சுஜாதா சிவகுமார் உள்பட பலர் நடித்துள்ள இந்த படத்தை வள்ளிகாந்த் இயக்கியுள்ளார். ஜிவி பிரகாஷ் இசையமைத்துள்ள இந்த படத்திற்கு விவேக் ஆனந்த் ஒளிப்பதிவும், பிரதீவ் ராகவ் படத்தொகுபு பணியும் செய்துள்ளனர். இந்த படத்தை பிரபல இயக்குனர் பாண்டிராஜ் தனது பசங்க புரடொக்சன்ஸ் நிறுவனத்தின் மூலம் தயாரித்துள்ளார்