ஜிவி பிரகாஷ் நடிப்பில் இயக்குனர் பாலா இயக்கிய 'நாச்சியார்' என்ற வெற்றி படத்தை அடுத்து அவரது நடிப்பில் கடந்த வெள்ளியன்று வெளியான 'செம' திரைப்படமும் ஊடகங்கள் மற்றும் சமூக வலைத்தளங்களில் பாசிட்டிவ் விமர்சனங்களை பெற்று வருகிறது.

இந்த நிலையில் இந்த படத்தின் சென்னை வசூல் செமையாக இருப்பதாக விநியோகிஸ்தர்களிடம் இருந்து தகவல்கள் வெளிந்துள்ளது. இந்த படம் சென்னையில் கடந்த வாரயிறுதி நாட்களில் 17 திரையரங்க்குகளில் 156 காட்சிகள் திரையிடப்பட்டு ரூ.43,65,004 வசூல் செய்துள்ளது. மேலும் திரையரங்குகளில் 85% பார்வையாளர்கள் இருந்ததால் ஜிவி பிரகாஷின் வெற்றிப்பட பட்டியலில் இந்த படமும் இணைகிறது.

மேலும் இந்த படத்திற்கு கிடைத்த பாசிட்டிவ் ரிசல்ட் மற்றும் போட்டிக்கு பெரிய படங்கள் இல்லாததால் இன்னும் ஒருசில நாட்களில் நல்ல வசூலை தமிழகம் முழுவதும் பெரும் என்று எதிர்பார்க்கப்படுகிறது.