இங்கே பேயும் நெசம்.. சாவும் நெசம்.. : ஜிவி பிரகாஷின் 'கிங்ஸ்டன்' டீசர்..
- IndiaGlitz, [Thursday,January 09 2025]
ஜிவி பிரகாஷ் நடித்த ‘கிங்ஸ்டன்’ என்ற திரைப்படத்தின் படப்பிடிப்பு கடந்த சில மாதங்களாக நடைபெற்று வந்த நிலையில், இந்த படத்தின் படப்பிடிப்பு முடிவடைந்து தற்போது விறுவிறுப்பாக தொழில்நுட்ப பணிகள் நடைபெற்று வருகிறது. இந்த நிலையில், சற்று முன் இந்த படத்தின் டீசர் வெளியாகி உள்ள நிலையில், இந்த டீசர் வீடியோ தற்போது இணையத்தில் வைரலாகி வருகிறது.
ஒன்றரை நிமிடங்களுக்கும் அதிகமாக உள்ள இந்த டீசரில் அசத்தலான காட்சிகள் இருப்பதை எடுத்து, இந்த படம் நிச்சயம் வெற்றி பெறும் என்று எதிர்பார்க்கப்படுகிறது. இந்தியாவின் முதல் முறையாக கடலில் ஒரு பேண்டஸி திரைப்படம் உருவாகி இருப்பதாக தெரிகிறது. ஜி.வி பிரகாஷ், திவ்யபாரதி நடிப்பில் உருவான இந்த படத்தை கமல் பிரகாஷ் இயக்கி உள்ளார். ஜி.வி பிரகாஷ் இசையமைத்துள்ள இந்த படம் வரும் மார்ச் 7ஆம் தேதி வெளியாக உள்ளதாக அறிவிக்கப்பட்டுள்ளது.
மர்மமான முறையில் கடல் நடுவே உள்ள ஒரு கப்பலில் சிக்கிக் கொள்பவர்கள் எப்படி தப்பிக்கிறார்கள் என்பதுதான் இந்த படத்தின் கதை என்பது டீசரில் இருந்து தெரிய வருகிறது. மேலும், இந்த படத்தில் ‘இதுவரைக்கும் கடலுக்குள்ள போன யாரும் உசுரோட திரும்பி வந்ததில்ல, மீறிப் போனா’ ’பேய் வரும்னு கட்டுக்கதை சொல்லி கூட்டி வந்து இருக்கீங்க. ஆனா இங்க பேயும் நெசம், சாவும் நெசம்’ ’இந்த சமுத்திரத்தை ஆள ஒருத்தன் பிறந்து தான் வரணும்’ போன்ற வசனங்கள் இந்த படத்தின் மர்மத்தை எதிர்பார்க்க வைத்துள்ளது என்பது குறிப்பிடத்தக்கது.