தமிழ் திரையுலகின் இசை அமைப்பாளர்களில் ஒருவர் ஜிவி பிரகாஷ் கடந்த 2006 ஆம் ஆண்டு வசந்த பாலன் இயக்கிய ’வெயில்’ என்ற திரைப்படத்தின் மூலம் இசையமைப்பாளராக அறிமுகமான நிலையில் தற்போது அவர் 17 வருடங்களில் 100 வது படத்திற்கு இசையமைக்க உள்ளார் என்பது குறிப்பிடத்தக்கது.

ஜிவி பிரகாஷின் 100 வது படமாக சுதா கொங்கரா இயக்கத்தில் சூர்யா நடிக்கும் ’சூர்யா 43’ படமாக இருக்கும் என்று எதிர்பார்க்கப்படுகிறது. ஏற்கனவே சுதா கொங்கராவுக்கு பிறந்தநாள் வாழ்த்து சமீபத்தில் தெரிவித்த ஜிவி பிரகாஷ் மீண்டும் அவருடன் இணைந்து பணி புரிவதில் மகிழ்ச்சி என்று கூறி இருந்தார்.

சுதா கொங்கராவின் அடுத்த படம் சூர்யாவின் 43-வது படம் என்று கூறப்பட்ட நிலையில் ’சூரரை போற்று’ வெற்றி கூட்டணி மீண்டும் இணைய உள்ளது என்பது உறுதி செய்யப்பட்டுள்ளது. இந்த படமும் ஒரு மாஸ் படமாக உருவாக இருக்கும் என்றும் ஜி.வி பிரகாஷின் 100 வது படத்திற்கு ஒரு பொருத்தமான படமாக இருக்கும் என்றும் கூறப்படுகிறது.

இசையமைப்பது மட்டுமின்றி திரைப்படங்களில் நடிப்பதிலும் ஜிவி பிரகாஷ் ஆர்வம் செலுத்தி வருகிறார் என்பதும் அவரது படங்கள் பல வெற்றி படங்களாகி உள்ளன என்பது குறிப்பிடத்தக்கது.