ஜிவி பிரகாஷ் மற்றும் கௌதம் மேனன் நடிப்பில் உருவான ‘செல்பி’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டிரைலர் இன்று வெளியாகும் என்பதை ஏற்கனவே பார்த்தோம். இந்த நிலையில் சற்று முன் இந்த டிரைலர் வெளியாகி மிகப்பெரிய அளவில் வைரலாகி வருகிறது என்பது குறிப்பிடத்தக்கது.

பொறியியல் கல்லூரி மாணவராக ஜிவி பிரகாஷ், அந்த கல்லூரியை ஆட்டிப்படைக்கும் வில்லன் கேரக்டரில் கவுதம் மேனனும் நடித்திருக்கும் இந்தப் படம் ஒரு அதிரடி ஆக்ஷன் படம் என்பதும் கௌதம் மேனனுக்கும் ஜிவி பிரகாஷ் இடையே நடக்கும் பிரச்சனை தான் இந்த படத்தின் கதை என்பது டிரைலரில் இருந்து தெரியவருகிறது.

மேலும் திரைப்படத்தில் வர்ஷா பொல்லம்மா, வாகை சந்திரசேகர், சங்கிலி முருகன், தங்கத்துரை உள்பட பலர் நடித்துள்ளனர். மதிமாறன் இயக்கத்தில் ஜிவி பிரகாஷ் இசையில் விஷ்ணு ரங்கசாமி ஒளிப்பதிவில் இளையராஜா படத்தொகுப்பில் உருவாகியுள்ள இந்த படத்தை கலைப்புலி தாணு அவர்கள் தயாரித்துள்ளார்.

இந்த படத்தின் ட்ரைலரில் உள்ள அதிரடி வசனங்கள் படத்தின் எதிர்பார்ப்பை அதிகரித்துள்ளது என்பதும், முக்கியமாக ’வாழ்க்கையில் யாராவது நம்மை வேண்டாம் என்று துரத்தி விட்டால், நாம் எவ்வளவு முக்கியம் என்பதை நாம காட்டனும்டா’ என்ற ஜிவி பிரகாஷின் வசனமும், ’நீட் தேர்வை எல்லாம் தடுக்க முடியாது, ஆனால் அதை வைத்து எப்படி காசு பண்ண வேண்டும் என்று தான் நாம் யோசிக்க வேண்டும்’ என்ற கவுதம்மேனன் வசனமும் இந்த படத்தின் தற்கால அரசியல் மற்றும் சமூக நிலையை எடுத்துக் காட்டுகிறது என்பது குறிப்பிடத்தக்கது.

மொத்தத்தில் ‘செல்பி’ திரைப்படம் ஜிவி பிரகாஷூக்கு மற்றொரு வெற்றிப்படமாக இருக்கும் என்பது டிரைலரில் இருந்து தெரிய வருகிறது.